O pasado día 4 de outubro de 2001, reunidos na Casa do Concello de Cervo, sendo as 17 horas e cumprido o disposto na base novena das bases reguladoras do concurso de ideas para a construcción dunha nova Casa de Cultura en San Cibrao, aprobadas por resolución da Alcaldía de data 6 de abril de 2001 e publicadas no DOG o día 14 de maio de 2001, reúnese o tribunal cualificador integrado polas persoas que a seguir se relacionan:
Presidente: o alcalde do Concello de Cervo, José Insua Pernas.
Vocais:
Isaac Díaz Pardo: a título persoal.
Pastor Ferreiros Carreira: arquitecto designado pola Dirección Xeral de Patrimonio da Consellería de Cultura.
Manuel Prieto Martínez: arquitecto designado polo Colexio Oficial de Arquitectos de Galicia.
Manuel de la Iglesia Pérez: arquitecto designado pola Escola Superior de Arquitectos da Coruña.
Manuel Campos Ratueira: integrante da Oficina Técnica Municipal.
Asisten sen voz e sen voto os representantes dos distintos partidos políticos.
José Manuel Balseiro Orol: conselleiro do GM do PP.
Juan Carlos Piñeiro Docampo: conselleiro do GM do PSOE.
Xerardo López Enríquez: conselleiro do GM do BNG.
Carlos Martínez Martínez: conselleiro do GM Nacionalista.
Non asiste o arquitecto designado polos concursantes Manuel Gallego Jorreto.
Actúa como secretario do xurado, con voz pero sen voto, a secretaria interina da corporación Mª Cristina Abades Martínez.
O xurado, despois de deliberar, por unanimidade dos membros presentes, resolve concede-los seguintes premios:
1º Premio (consiste en lle encargar ó concursante elixido a redacción do proxecto básico e de execución para a construcción da Casa da Cultura, así como a dirección de obra). LEMA SOM 001: Víctor González Magdalena, Belinda Vesada Vergara, Marister Faílde Ferreiro, Juan Luís Piñeiro Ferradas.
2º Premio (dotado de 400.000 pesetas) LEMA XYZ 000: Antonio Taboada López.
3º Premio (dotado de 300.000 pesetas) LEMA POD 256: Marcos Parga Prado, Idoia Otegui Vicens.
O concello organizará unha exposición con tódolos traballos, conservando o anonimato deles, salvo que estes manifesten a súa vontade de rompe-lo.
Neste caso deberán mandar por escrito ó concello o seu permiso para desvela-la súa identidade.
O que se comunica ó debido efecto en Cervo o 9 de outubro de 2001.
José Manuel Balseiro Orol
Primeiro tenente alcalde