O Pleno do Concello de Cervo, en sesión que tivo lugar o 3 de outubro de 2001, acordou aprobar definitivamente a modificación puntual das normas subsidiarias de planeamento en Cervo (As Lobeiras).
A modificación puntual que se pretende, segundo consta no documento técnico, consiste en colocar-lo volume residencial R (VU) 2 de forma ortogonal a como se encontra na actualidade, é dicir, colocalo paralelamente ás curvas de nivel (buscando a mellor adaptación topográfica e, polo tanto, economía e accesabilidade) e con fronte á rúa da Lobeira.
Resumo de superficie:
-SUP. das actuais N.S.P
R (VU) II: 1.859,50 m
Esp. libre: 2.553,00 m
Vías: 587,50 m
Total: 5.000,00 m
-Trala modificación puntual
R (VU) II: 1.290,00 m
Esp. libre: 3.122,50 m
Vías: 587,50 m
Total: 5.000.00 m
Normativa urbanística e significación.
As modificacións do uso do solo e da edificación, tralas modificacións puntuais das N.S.P. obxecto deste traballo, rexeranse polas mesmas ordenanzas do parlamento vixente de Cervo, núcleo de Cervo, para esta clase de solo.
En canto ó volume residencial edificable cómpre dicir que se reduce, xa que cun número igual de alturas II se ocupan un total de 570 m menos, o que supón, ademais, liberar solo para aumenta-lo tamaño do espacio libre.
En canto ó solo destinado a espacio libre, hai que dicir que ademais do incremento de 570 m na superficie total, o dito espacio urbano pasa a te-la súa dimensión maior paralela ás curvas de nivel e non no sentido da máxima pendente.
Iso supón, en relación coas esixencias xustificativas do Decreto 35/2000, de aprobación do Regulamento de desenvolvemento e execución da Lei de accesibilidade e supresión de barreiras na C.A. de Galicia, que este traballo permitirá unha máis fácil adaptación ás condicións técnicas de obrigado cumprimento dos futuros proxectos de urbanización e edificación.
Finalmente, cómpre dicir que a nova disposición espacial do espacio libre, máis próxima ó centro
do núcleo urbano, favorece un maior grao de utilización e desfrute del.
Por iso e baseándonos en todo o anterior, parece importante o interese público deste proxecto de modificación puntual.
Este anuncio efectúase para cumprir co establecido no artigo 48 en relación co artigo 50, ámbolos dous da Lei 1/1997, do 24 de marzo, do solo de Galicia.
Contra este acordo, que non pon fin á vía administrativa, poderá interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, con sede na cidade da Coruña, no prazo de dous meses a partir da publicación deste anuncio, segundo determina o artigo 8 da Lei 29/1998, do 13 de xullo, reguladora da xurisdicción contencioso-administrativa.
Todo isto sen prexuízo de que as persoas interesadas exerzan os recursos ou accións que entendan convenientes para a defensa dos seus lexítimos intereses.
O que se fai público para xeral coñecemento.
Cervo, 23 de outubro de 2001.
José Insua Pernas
Alcalde