Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos 348/2001, seguidos por instancia de Aurelio Rodríguez Lage, contra Comercial Puymo, S.L., sobre salarios, nos que recaeu sentencia con data do 14-9-2001 que, copiada nos particulares necesarios, di así:
«Que, estimando a demanda formulada por Aurelio Rodríguez Lage, contra a empresa Comercial Puymo, S.L. condeno esta a aboarlle a cantidade de 539.400 pesetas, que lle debe.
Notifíqueselles esta resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social no prazo de cinco días hábiles a partir do día seguinte ó da súa notificación.
Prevense a empresa demandada de que, para recorrer, deberá acreditar haber ingresado na c/c de consignacións, código 5604.0000.60 348-2001, do banco BBVA desta cidade, denominada conta do Xulgado do Social número tres, o importe da condena e 25.000 pesetas en concepto de depósito; sen os ditos requisitos non será admitido a trámite o recurso, quedando firme a sentencia.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que lle sirva de notificación en forma á empresa comercial Comercial Puymo, S.L. expido e asino esta cédula na Coruña o 15 de outubro de 2001.
O secretario xudicial
Rubricado