Por orde da Consellería de Educación e Ordenación Universitaria do 12 de marzo de 2001, convocáronse axudas a alumnos e profesores de centros
docentes da Comunidade Autónoma de Galicia sostidos con fondos públicos, que participen en estadías en empresas de ámbito transnacional (cofinanciadas polo Fondo Social Europeo).
Vista a proposta da comisión de selección prevista no artigo noveno da citada orde,
RESOLVO:
Primeiro.-Conceder con cargo ó concepto orzamentario 07.04.322S.481.0 da Dirección Xeral de Orde
nación Educativa e Formación Profesional, as axudas que se relacionan no anexo I, correspondentes ó segundo prazo.
Segundo.-De acordo co artigo décimo primeiro as axudas serán aboadas da seguinte forma:
Para as axudas que non superen o importe de 1.000.000 de pesetas, no momento da concesión poderá acordarse un anticipo de pagamento de ata un 80%, despois da aceptación da subvención. O 20% restante librarase unha vez finalizada a actividade e despois da súa completa xustificación económica por parte do centro e entrega da memoria de actividades, adxuntando certificación respecto da percepción ou non doutras axudas e subvencións para a mesma finalidade, para efectos do disposto no artigo 78.3º da Lei 11/1992, do 7 de outubro, de réxime financeiro e orzamentario de Galicia. Nas axudas que superen esta cantidade o pagamento realizarase tamén integramente unha vez finalizada e xustificada a actividade.
Terceiro.-De acordo coa normativa vixente, os beneficiarios quedarán obrigados a:
1. Acepta-la axuda concedida. Neste sentido, se no prazo de quince días, contados a partir do da recepción da comunicación pola que se notifica a concesión da axuda, o centro beneficiario non acepta esta, entenderase que renuncia á súa percepción.
2. Facilita-la información requirida e someterse ás accións de comprobación ou control financeiro que poida efectua-la Consellería de Educación e Ordenación Universitaria e os organismos competentes.
3. Xustifica-lo correcto investimento das axudas recibidas, mediante a presentación da seguinte documentación:
Unha vez efectuada a viaxe, o centro docente, como entidade colaboradora da xestión de axudas públicas, deberá, de acordo co establecido no artigo 15 do Decreto 287/2000, do 21 de novembro, tramita-la seguinte documentación no prazo máximo dun mes:
a) Certificación do consello escolar do centro aprobatoria das contas, xuntando unha relación dos gastos efectuados.
b) Xustificación da totalidade do custo da viaxe de acordo cos datos indicados no orzamento inicial. O importe da subvención nunca poderá superar illadamente ou en concorrencia con subvencións ou axudas doutras administracións públicas ou doutros entes públicos ou privados, nacionais ou internacionais, o custo da actividade que vai desenvolve-lo beneficiario ou, se é o caso, a porcentaxe máxima do investimento subvencionable que legalmente se estableza. No caso de que o custo final sexa inferior ó inicialmente previsto, deberase diminuí-la axuda concedida en proporción á axuda xustificada.
c) Memoria do traballo realizado durante a estadía no país de acollida, que deberá ser presentada un mes despois do remate da actividade. A memoria
irá xunto cun certificado do director do centro no que se faga consta-lo nome o número do DNI do profesorado e alumnos participantes nas estadías e incluirá os seguintes datos:
c.1) Visitas preparatorias. Obxectivos levados a cabo de cara á realización do proxecto, incluíndo un breve resumo deste: descrición, datas de realización, etc.
c.2) Estadías de alumnos. Programación e avaliación das actividades realizadas na estadía, con descricións de procesos productivos, tecnoloxías utilizadas, posibilidades de realización doutras estadías e aspectos positivos e negativos que hai que considerar.
c.3) Estadía de profesores. Memoria do traballo individual desenvolvido, no que se farán constar entre outros, e como mínimo, os seguintes aspectos:
* Descrición do proceso productivo. Perfís profesionais que participan, diferenciados segundo os niveis de cualificación.
* Realizacións máis significativas de cada perfil profesional.
* Tecnoloxías utilizadas e a súa presencia no equipamento de cada ciclo formativo (valoración das súas necesidades ou conveniencia de incorporalo).
* Cambios que se prevexan no sistema productivo (evolución da competencia profesional).
* Programa de formación en centros de traballo que se poderían realizar nesta empresa e nos diferentes ciclos formativos da súa familia profesional.
* Posible formación do profesorado que podería desenvolve-la empresa ou traballadores que poderían colaborar no plan de formación do profesorado de formación profesional específica.
* Valoración de estadías de formación, aspectos positivos e aspectos que deben mellorar.
Os proxectos e traballos realizados polos centros seleccionados quedarán en poder da Dirección Xeral de Ordenación Educativa e Formación Profesional reservando para si o dereito de difundi-los traballos realizados en función da súa orixinalidade e pasando a formar parte dos fondos documentais da Consellería de Educación e Ordenación Universitaria.
Certificación de ter ou non ter subvención ou axuda, para a mesma finalidade, procedente de calquera outra Administración ou ente público.
Cuarto.-Contra a presente resolución os interesados poderán interpoñer recurso potestativo de reposición no prazo dun mes, contado a partir do día seguinte ó da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro), ou ben directamente o recurso contencioso-administrativo no prazo de dous meses ante o Tribunal Superior de Xustiza de Galicia.
Santiago de Compostela, 10 de outubro de 2001.
Celso Currás Fernández
Conselleiro de Educación e Ordenación Universitaria
ANEXO
Proxectos aprobados no segundo prazo de presentación de solicitudes
Tipo de acción Centro escolar Profesor encargado Nº prof. Nº al. Axuda Semanas País
Visitas preparatorias IES Teis Lourdes Mourelle 1 0 126.000 1 Italia
Estadía alumnos EFA EFA A Cancela Esther Araújo Cabaleiro 3 35 1.870.000 2 Portugal
Estadía de alumnos EA Esc. arte Antonio Faílde Miguel Rey Kochinke 0 2 240.000 2 Dinamarca
Visita preparatoria EA Esc. arte Antonio Faílde César Taboada Varela 1 0 140.000 1 Grecia
Visita preparatoria EA Esc. arte Antonio Faílde César Taboada Varela 1 0 133.000 1 Dinamarca
Visita preparatoria IES Ribeira do Louro Amador Ordóñez Puime 1 0 150.000 1 Grecia
Visita preparatoria IES Paseo das Pontes Santiago Rodilla Labrador 1 150.000 1 Finlandia
Visita preparatoria IES Carlos Oroza Ricardo Fernández Guerra 1 100.000 1 Francia
Estadías profesores IES Nº 1 Politécnico de Lugo María Varela Tato 1 150.000 1 Finlandia
Estadías profesores IES Nº 1 Politécnico de Lugo Marina Merino López 1 150.000 1 Finlandia
Estadías profesores Col. Daniel Castelao Patricia Rodríguez Canabal 1 170.000 4 Inglaterra
Estadías alumnos Col. Daniel Castelao Patricia Rodríguez Canabal 0 1 150.000 2 Suecia
Estadías alumnos Col. Daniel Castelao Patricia Rodríguez Canabal 0 7 1.225.000 6 Inglaterra
Visita preparatoria Col. Daniel Castelao Patricia Rodríguez Canabal 1 0 126.000 1 Inglaterra
Estadías profesores IES Sanxillao Víctor Teo Ríos 1 0 115.000 2 Francia
Estadías profesores IES Sanxillao Jorge Carou Horta 1 0 115.000 2 Francia
Estadías profesores IES Sanxillao Jenaro Fieira Noya 1 0 115.000 2 Francia
Estadías profesores IES Pontepedriña Carmen Fandiño Suárez 1 0 140.000 2 Inglaterra
Estadías profesores IES A Xunqueira José Luis González Entenza 1 0 126.000 1 Italia
Estadías profesores IES Ánxel Casal Susana Agra Rama 1 0 150.000 1 Finlandia
Estadías profesores IES Armando Cotarelo Jesús Caneda Aguiar 1 0 140.000 2 Inglaterra
Solicitudes excluídas
por falta de documentación
-Centro escolar: IES Pintor Colmeiro.
Tipo de acción: estadía de profesores en Escocia.
Profesora encargada: Pilar Martínez Rodríguez.
-Centro escolar: IES Pintor Colmeiro.
Tipo de acción: estadía de profesores en Escocia.
Profesor encargado: Xosé Barreiro Otero.