Por orde da Consellería de Educación e Ordenación Universitaria do 1 de marzo de 2001 (DOG do 19 de marzo), convocáronse axudas para alumnos e profesores de centros públicos docentes da Comunidade Autónoma de Galicia sostidos con fondos públicos que participen en estadías e intercambios con centros educativos doutros países para favorece-la aprendizaxe activa de linguas.
Vista a proposta da comisión de selección prevista no artigo sétimo da citada orde
RESOLVO:
Primeiro.-Conceder, con cargo ó concepto orzamentario 07.04.322T.480.0 da Dirección Xeral de
Ordenación Educativa e Formación Profesional, as axudas que se relacionan no anexo I, que se presentaron no terceiro prazo establecido (do 2 de maio ata o 29 de xuño), punto quinto.1 do DOG do 19 de marzo de 2001, por importe total de 5.376.000 pesetas.
Segundo.-Recoller no anexo II as axudas denegadas.
Terceiro.-De acordo co artigo noveno da orde de convocatoria as axudas serán aboadas da seguinte forma:
Para as axudas que non superen o importe de 1.000.000 de pesetas, no momento da concesión poderá acordarse un anticipo de pagamento de ata un 80%, logo de aceptación da subvención. O 20% restante librarase unha vez rematada a actividade e logo da súa completa xustificación económica por parte do centro e entrega da memoria de actividades, achegando certificación respecto da percepción ou non doutras axudas e subvencións para a mesma finalidade, para efectos do disposto no artigo 78.3º da Lei 11/1992, do 7 de outubro, de réxime financeiro e orzamentario de Galicia. Nas axudas que superen esta cantidade o pago realizarase integramente unha vez rematada e xustificada a actividade.
Cuarto.-De acordo coa normativa vixente, os beneficiarios quedan obrigados a:
1. Acepta-la axuda concedida. Neste sentido, se no prazo de quince días, contados a partir da recepción da comunicación pola que se notifica a concesión da axuda, o centro beneficiario non acepta esta, entenderase que renuncia á súa percepción.
2. Facilita-la información requirida e someterse ás accións de comprobación ou control financeiro que poida efectua-la Consellería de Educación e Ordenación Universitaria e os organismos competentes.
3. Xustifica-lo correcto investimento das axudas recibidas, mediante a presentación da seguinte documentación:
3.1. Memoria.
Os centros beneficiarios enviarán unha memoria das actividades realizadas que inclúe:
a) Resumo do desenvolvemento da actividade realizada.
b) Obxectivos conseguidos.
c) Procedemento de avaliación utilizado, resultados obtidos e difusión que se realizou deles.
A memoria estará acompañada dunha certificación do director do centro no que se faga consta-lo nome e número de DNI do profesor responsable do proxecto e dos profesores que o acompañaron na viaxe. Igualmente engadirase unha certificación de ter ou non ter subvención ou axuda para a mesma finalidade procedente de calquera outra Administración ou ente público.
3.2. Xustificación de gastos efectuados.
Os centros educativos enviarán unha certificación do consello escolar do centro aprobatoria do gasto, xuntando unha relación detallada dos gastos efectuados, así como unha certificación de ter ou non ter subvención ou axuda para a mesma finalidade procedente de calquera outra Administración ou ente público.
Quinto.-Contra esta orde os interesados poderán interpoñer recurso potestativo de reposición, ante o conselleiro de Educación e Ordenación Universitaria no prazo dun mes, contado a partir do día seguinte ó da súa publicación no Diario Oficial de Galicia, segundo o disposto na Lei 4/1999 (BOE do 14 de xaneiro), ou ben directamente o recurso
contencioso-administrativo no prazo de dous meses ante o Tribunal Superior de Xustiza de Galicia.
Disposicións derradeiras
Primeira.-Autorízase a Dirección Xeral de Ordenación Educativa e Formación Profesional a dictar tantas disposicións sexan precisas para o desenvolvemento correcto desta orde.
Segunda.-Esta resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 9 de outubro de 2001.
Celso Currás Fernández
Conselleiro de Educación e Ordenación Universitaria
ANEXO I
AXUDAS CONCEDIDAS
Tipo de acción Centro escolar Localidade Axuda concedida País de destino
Intercambio IES Sánchez Cantón Pontevedra 1.110.000 Estados Unidos
Visita preparatoria CRA Nosa Señora do Faro Ponteceso 300.000 Finlandia
Intercambio IES Lauro Olmo O Barco 1.060.000 Reino Unido
Visita preparatoria Colexio La Salle Ferrol 100.000 Francia
Visita de estudios CEP Doutor Fleming Vigo 252.000 Bélxica
Visita preparatoria CEIP A Magdalena As Pontes 252.000 Italia
Visita preparatoria CRA Novo Mencer Coristanco 300.000 Rumanía
Intercambio IES A Sangriña A Guarda 1.380.000 Grecia
Visita preparatoria IES Ánxel Casal A Coruña 300.000 Rumanía
Visita preparatoria CPI Altamira Salceda de Caselas 70.000 Francia
Visita preparatoria IES Perdouro Burela 126.000 Italia
Visita preparatoria CPI Curros Enríquez Pazos de Borbén 126.000 Alemaña
Total 5.376.000
ANEXO II
SOLICITUDES DENEGADAS
Tipo de acción Centro escolar Localidade País de destino Motivo denegación
Visita de estudios IES Lauro Olmo O Barco Reino Unido Non ter un proxecto previo aprobado
Visita de estudios IES Monte Castelo Burela Italia Solicitude fóra de prazo
Visita de estudios EFA Fonteboa Coristanco Francia Datas da visita fóra das datas establecidas pola orde de convocatoria
Intercambio IES Blanco Amor Ourense Estados Unidos Por participar alumnos de centros docentes que non solicitan axuda
Intercambio IES Imaxe e Son A Coruña Francia Non é un intercambio lingüístico
Intercambio IES Marqués de Suances Ferrol Reino Unido Ter concedido intercambio na acción Comenius 1.2
Visita preparatoria IES Marqués de Suances Ferrol Portugal Ter concedido intercambio na acción Comenius 1.2
Intercambio IES Monte da Vila O Grove Francia Ter concedido intercambio na acción Comenius 1.2
Intercambio IES Monte da Vila O Grove Francia Ter concedido intercambio na acción Comenius 1.2
Intercambio IES Marqués de Sargadelos San Cibrao Reino Unido Solicitude fóra de prazo