O Consello da Xerencia Municipal de Urbanismo en sesión do 14 de xuño de 2001, acordou aprobar inicialmente o proxecto de estatutos e bases para a constitución e funcionamento da xunta de compensación da U.A. Pobo Galego, presentado con datas 7 de decembro de 2000 e 1 de xuño de 2001 no rexistro xeral da Xerencia Municipal de Urbanismo por propietarios do devandito polígono, actuando como comisión xestora, coas rectificacións que se derivan do acordo, e posteriormente resoltas a través da documentación presentada no rexistro xeral da Xerencia Municipal de Urbanismo en data 28 de setembro de 2001 como consecuencia da resolución adoptada polo Consello da Xerencia de data 30 de agosto de 2001.

O proxecto de estatutos e bases aprobado é o seguinte:

Bases de actuación

Primeira.-Ámbito territorial, finalidade e lexislación aplicable.

1.1. As presentes bases rexen a actuación da xunta de compensación, constituída para a correcta execución do sistema de compensación e das obras de urbanización dos terreos integrados no polígono correspondente o cuarteirón nº 51 Unidade de Actuación Pobo Galego do Plan especial e catálogo complementario de edificios, conxuntos e elementos que hai que conservar.

1.2. A finalidade das bases é regulamenta-la incorporación dos membros da xunta no relativo á valoración das súas achegas, execución da obra urbanizadora e a liquidación dos efectos da xunta mediante o sinalamento das normas referentes ó reparto de beneficios e cargas entre os seus compoñentes.

1.3. As presentes bases redáctanse conforme o disposto na Lei 1/1997, do 24 de marzo, do solo de Galicia, e os artigos vixentes do Regulamento de xestión urbanística aprobado polo Real decreto 3288/1978, do 25 de agosto, segundo táboa de vixencias aprobada polo Decreto 304/1993, do 26 de febreiro e a disposición transitoria 3ª da LSG,

Segunda.-As bases como norma de distribución de beneficios e cargas.

Como medio de distribución de beneficios e cargas, como título para a adxudicación dos terreos resultantes da actuación e en desenvolvemento destas bases formularase o correspondente proxecto de compensación.

Terceira.-Obrigatoriedade e modificación das bases.

3.1. A obrigatoriedade das bases unha vez aprobadas non impide a súa modificación mediante acordo adoptado na asemblea xeral, co voto de máis do 50% das cotas de participación dos membros integrados na xunta de compensación e posterior aprobación polo concello.

3.2. Non obstante o anterior, cando o acordo modificativo sexa adoptado por unanimidade dos membros da xunta e afecte unicamente a pura distribución de beneficios e cargas entre eles, será válido sen necesidade de tramitación e sen prexuízo da súa notificación ó concello, coa xustificación de ámbalas circunstancias.

Cuarta.-Valoración dos predios achegados.

4.1. O dereito dos propietarios será proporcional á superficie das parcelas respectivas no momento da aprobación da delimitación do polígono ou da unidade reparcelable. Non obstante, os propietarios, por unanimidade, poderán adoptar un criterio distinto.

4.2. No proxecto de compensación procederase á definitiva fixación do valor dos predios achegados, conforme o aproveitamento de referencia que será o resultante do planeamento -90% do aproveitamento medio do ámbito de xestión- ou o resultante da edificación existente, se fose superior.

4.3. Se a escasa contía dos dereitos dunha parcela non permite que se adxudiquen predios independentes, poderán adxudicarse soares resultantes pro indiviso ou substituí-la adxudicación por unha indemnización en metálico.

4.4. Cada propietario deberá acredita-la superficie que manifeste achegar mediante certificación do Rexistro da Propiedade ou testemuño notarial do título de adquisición. A falta dos anteriores ou propietario deberá presentar declaración xurada na que conste a superficie, lindeiros e título de adquisición, achegando un plano do terreo e tódolos documentos que poidan acredita-la súa condición de propietario.

4.5. A xunta de compensación, por iniciativa propia ou por petición de parte, poderá face-la oportuna revisión de superficies ou valores dos predios para rectificar posibles errores, logo de dictame técnico practicado para o efecto e sen prexuízo dos recursos procedentes.

4.6. Nos supostos de discrepancia sobre a titularidade da totalidade ou parte dun terreo ou sinalamento de lindeiros, de acordo co disposto no art. 103.4º do R.X.U. o proxecto de compensación limitarase, en tal caso, a cualifica-la titularidade de dubidosa ou litixiosa, sen prexuízo da eventual reclamación xudicial ou acordo entre os discrepantes. A Administración actuante asumirá a representación dos dereitos e intereses desas titularidades para efectos de tramitación do expediente. Os gastos que sexan imputables as titularidades referidas poderán facerse efectivas pola vía de constrinximento en caso de falta de pagamento.

Quinta.-Predios que se van expropiar. Valoracións.

5.1. Nos predios que lles expropie o concello ós propietarios afectados que non se incorporen á xunta de compensación no prazo sinalado, será beneficiaria a xunta de compensación ó igual que nas expropiacións que tiveran lugar por incumprimento de obrigas por parte dos membros da xunta, someténdose en ámbolos casos o procedemento ó establecido na lexislación de expropiacacións.

5.2. Os predios expropiados por falta de incorporación dos seus propietarios á xunta taxaranse consonte o disposto na lexislación aplicable a valoracións urbanísticas, sen computar en ningún caso as expectativas da actuación.

Nos predios expropiados por incumprimento de obrigas sociais adicionaranse as cantidades satisfeitas para o pagamento de expropiacións previas e para gastos de urbanización, subrogándose o adquirente nas cargas devengadas ata ese momento polos ditos conceptos.

5.3. A tramitación do expediente contradictorio do prezo xusto non será obstáculo para a demolición pola xunta de compensación das edificacións, instalacións e demais construccións, nin para a ocupación pola mesma xunta do solo, subsolo ou voo destinado a uso público ou servicios, unha vez aprobado o proxecto de compensación.

5.4. As indemnizacións que procedan por extinción de contratos de arrendamento, de vivenda, de local de negocio ou de industria serán a cargo da xunta de compensación como gastos de urbanización, sempre que se trate de contratos de arrendamento anteriores á data de aprobación definitiva do Plan especial e catálogo complementario de edificios, conxuntos e elementos a conservar en Vigo, sendo noutro caso por conta do arrendador.

As cantidades entregadas antes da constitución da xunta de compensación en concepto de indemnización ós arrendatarios ou inquilinos por extinción de seus contratos respectivos, subscritos antes da aprobación definitiva del, entenderanse como cantidades a conta dos custos de urbanización, resarcindo a xunta ó propietario que os anticipase, coa aplicación do xuro legal incrementado en dous puntos se entre o anticipo e seu reintegro ó propietario que o pagase transcorresen máis de seis meses.

5.5. En caso de ocupación de predios non incorporadas a fin de posibilita-la execución das obras de urbanización previstas, se os propietarios afectados pola ocupación demostrasen que os seus terreos constitúen a única ou predominante fonte de ingresos con que contan, terán dereito a percibir da xunta de compensación unha indemnización equivalente á rendibilidade demostrada durante o período que medie entre a ocupación efectiva e a adxudicación que lles corresponda, ou á expropiación do seu dereito.

5.6. As adquisicións de terreos pola xunta en virtude de expropiación, están exentas con carácter permanente do imposto xeral de transmisión patrimoniais e actos xurídicos documentados e non terán a consideración de transmisións de dominio para os efectos da exacción do arbitrio sobre o incremento de valor dos terreos.

Sexta.-Elementos existentes sobre os predios achegados. Indemnizacións.

6.1. As edificacións, obras, plantacións, instalación e outros elementos materiais existentes no solo, voo e subsolo dos predios non se considerarán como valores achegados, pero os que deban derruírse de conformidade co establecido nas presentes bases para levar a cabo a urbanización do polígono serán valorados con independencia do solo, salvo nos casos expresamente previstos nestas bases, e indemnizados con cargo ó fondo de compensación en concepto de gastos de urbanización.

6.2. Entenderase que non poden conservarse os elementos mencionados unicamente cando sexa necesaria a súa eliminación física para realiza-las

obras de urbanización; ou se a tipoloxía proxectada no P.E.E.C. é distinta ou incompatible á preexistente; ou se estiveran situadas nunha superficie que non se vaia executar integramente ó seu propietario.

6.3. A determinación dos elementos que vaian derrubar e, se é o caso, a súa expropiación farase consonte estas bases, conforme o disposto na lexislación de expropiación forzosa e ó expresamente establecido nos estatutos e presentes bases de actuación.

6.4. As edificacións, obras, plantacións, etc. a demolición das cales non sexa precisa en atención ó disposto nos parágrafos precedentes poderán ser conservados polos seus actuais propietarios, a excepción das partes ou superficies afectadas pola regularización dos seus lindes e as segregacións precisas de superficies obxecto de cesión ós fins do polígono.

6.5. A cualificación dos ditos edificios, obras, plantacións ou instalacións e outros elementos materiais existentes nas parcelas a demolición das cales non sexa precisa para a realización das obras de urbanización, como fóra de ordenación, non dará lugar en ningún caso dereito a indemnización a cargo da xunta de compensación, excepto nos casos xa expostos.

6.6. A adxudicación dun mesmo soar ou parte resultante da actuación a varios propietarios que teñan que materializar no dito soar o seu respectivo dereito, tampouco dará lugar a indemnización.

Sétima.-Valoración de elementos indemnizables.

7.1. A taxación dos elementos que deban derruírse conforme o establecido nas bases efectuarase de acordo coas normas sobre réxime do solo ou valoracións da Lei 6/1998, do 13 de abril.

7.2. O valor das edificacións determinarase de acordo coa normativa catastral en función do seu custo de reposición, corrixido en atención á antigüidade e estado de conservación delas.

7.3. Indemnizarase tamén o cesamento de actividades, gastos de traslados, derruba de construccións, destruccións de plantacións, obras e instalacións que esixan a execución das obras.

7.4. Unha vez aprobado o proxecto de compensación pola xunta esta designará un perito para a determinación do prezo xusto, podendo o propietario afectado designar outro, que en caso de discrepancia provocará a continuación dos trámites previstos na lexislación de expropiación forzosa, sen prexuízo de que en calquera momento da súa tramitación ámbalas partes poidan chegar a un acordo sobre a valoración en discusión.

O prezo xusto así determinado terá carácter executivo, podendo a xunta de compensación iniciar as obras de derruba e ocupa-lo solo preciso para a execución das obras de urbanización, quedando o propietario obrigado ó desaloxo, logo de consignación do importe dictaminado á disposición do propietario afectado, sen prexuízo da continuación do expediente contradictorio do prezo xusto.

7.5. As plantacións, terreos sementados, obras e instalacións que existan no solo, salvo que polo seu carácter de melloras permanentes fosen tidas en conta na determinación do valor do terreo, valoraranse con independencia del atendéndose ó seu valor agrícola de acordo co criterio de reposición.

Oitava.-Existencia de cargas reais.

8.1. A existencia de cargas reais sobre algún dos predios incluídos no polígono non alterará a súa valoración como predio achegado, nin a adxudicación que corresponda a ela, pero se a carga é incompatible coa nova situación ou característica do predio pasará a grava-lo novo predio resultante en virtude de subrogación real, facéndose constar así no proxecto de compensación, converténdose noutro caso en crédito con garantía hipotecaria sobre o novo predio.

8.2. Se unha vez adxudicado un predio aparecera unha carga sobre el que non fora declarado no seu momento polo antigo propietario, este será quen responda polos prexuízos ocasionados.

8.3. O proxecto de compensación declarará cáles son os dereitos ou cargas incompatibles co planeamento, fixando a indemnización correspondente a cargo do respectivo propietario. Se o propietario non interpón acción para liberaliza-las cargas incompatibles co planeamento no prazo dun mes desde o requirimento efectuado pola xunta de compensación, esta poderá interpor por si mesma o proceso correspondente, repercutindo sobre o propietario os gastos sufridos.

8.4. Para a determinación da compatibilidade ou non da carga, seguirase o disposto no artigo 168 do texto refundido da Lei sobre o réxime do solo e ordenación urbana, aprobado polo Real decreto lexislativo 1/1992, do 26 de xuño, e declarado en vigor polo punto 1º da disposición derrogatoria única da Lei 6/1998, do 13 de abril, sobre réxime do solo e valoracións.

8.5. En todo caso, a extinción de servidumes prediais incompatibles co Plan especial e catálogo complementario de edificios, conxuntos e elementos que hai que conservar consideraranse gastos de urbanización e, xa que logo, indemnizables.

8.6. Para a expropiación e valoración abrirase o correspondente expediente conforme o disposto na lexislación de expropiacións e valoracións para os efectos de constitución, modificación ou extinción de cargas e dereitos reais sobre os inmobles. A demolición e ocupación pola xunta dos elementos, instalacións, construccións e as súas superficies obxecto de servidume poderá realizarse unha vez aprobado pola xunta o proxecto de compensación.

8.7. O custo de variación ou modificación de servidumes prediais e dereitos reais sobre os inmobles será a cargo dos seus respectivos titulares. A extinción de servidumes non dará lugar a indemnización a cargo da xunta de compensación no caso de que o servicio que presten sexa substituído polo previsto na nova ordenación.

Novena.-Valoración de cargas e dereitos.

9.1. Se é o caso, a valoración de servidumes prediais e de dereitos reais sobre inmobles para os efectos da súa constitución, modificación ou extinción que teñan que indemnizarse consonte o disposto nestas bases efectuarase de mutuo acordo e, no seu defecto, de acordo coas disposicións legais vixentes sobre expropiación e valoracións que especificamente determinen o prezo xusto deles. Subsidiariamente valoraranse segundo as normas de dereito administrativo ou civil atendendo o dereito de que se trate e, no seu defecto, segundo o sinalado para o imposto de sucesións, doazóns e transmisións patrimoniais e actos xurídicos documentados.

9.2. Os arrendamentos rústicos ou urbanos ou de industria que deban extinguirse por estaren constituídos sobre edificacións que deban derruírse e a indemnización dos cales sexa a cargo da xunta de compensación, segundo o establecido para o efecto nos estatutos e bases, serán valorados tendo en conta nos arrendamentos urbanos e de industria as seguintes circunstancias:

a) Características da vivenda, local ou industria obxecto de arrendamento.

b) Limitacións contidas nos respectivos contratos de arrendamento.

c) Dificultades de substitución do arrendamento en condicións análogas e diferencia de rendas.

d) Contía dos gastos de traslados.

e) Valor das melloras realizadas no inmoble cando a súa percepción corresponda ó arrendatario.

Nos arrendamentos rústicos ponderarase:

a) Carácter da actividade económica principal do arrendatario e alta na correspondente licencia fiscal.

b) Dificultade de substitución da dita actividade.

c) Contía do beneficio do cultivador tendendo ó rendemento bruto.

d) Valor dos elementos mecánicos propios do arrendamento utilizados na explotación.

e) Circunstancia de te-lo arrendatario o seu domicilio habitual no predio arrendado con acreditación desta circunstancia.

9.3. En todo caso, conforme o establecido na base quinta, as indemnizacións por extinción de contratos de arrendamento de vivenda, local de negocio ou de industria afectados pola urbanización serán a cargo da xunta de compensación como gasto de urbanización, sempre que se trate de contratos anteriores á data de aprobación definitiva do Plan especial e catálogo complementario de edificios, conxuntos e elementos que hai que conservar en Vigo, sendo noutro caso a cargo do arrendador.

9.4. As cantidades entregadas con posterioridade á aprobación definitiva do P.E.E.C. ós inquilinos ou arrendatarios por extinción dos seus contratos respectivos subscritos antes da mesma data, enten

deranse satisfeitas a conta dos custos de urbanización, resarcindo a xunta ó propietario que as anticipase con aplicación do xuro legal incrementado en dous puntos se entre o anticipo e seu reintegro ó propietario que pagase transcorresen seis meses.

Décima.-Valoración en caso de incorporación de empresas urbanizadoras.

10.1. A valoración da achega de empresas urbanizadoras determinarase tendo en conta o custo do orzamento dos proxectos e obras dos que se asuma a realización.

10.2. A incorporación poderá producirse en calquera momento; neste caso a asemblea xeral acordará a súa procedencia e condicións e garantías de incorporación con determinación das contrapartidas á achega da empresa urbanizadora.

10.3. No caso de que, como contrapartida das obrigas coa empresa, se acordase a adxudicación a ela de terreos resultantes da urbanización, valoraranse estes bens por remisión ós prezos do mercado, ben mediante un cadro de equivalencias entre as cifras de investimento que vaia efectua-la empresa e os soares que, se é o caso, correspondan -xa se determinen estes concretamente, ou xa se indiquen as características volumétricas de uso e a etapa na que se entregarán- ou ben calquera outra circunstancia ou determinación de futuro.

10.4. Os propietarios desconformes coa incorporación da empresa urbanizadora que se comprometan a sufraga-los gastos de urbanización que lles correspondan, non serán afectados pola dita incorporación para efectos das adxudicacións que lles correspondan ou determinación de futuro.

Undécima.-Contratación e control das obras de urbanización.

11.1. A execución das obras de urbanización e, se é o caso, as de edificación serán concertadas pola xunta de compensación coa empresa ou empresas e técnicos que libremente sexan designadas polo consello rector, quen estará facultado para adxudicar directamente as obras e a elaboración de proxectos. Se á xunta de compensación se incorporase algunha empresa urbanizadora que achegue os fondos necesarios para urbaniza-lo solo, a execución da obra poderá ser directamente realizada pola dita empresa.

11.2. En todo caso, no contrato de execución de obras, ademais das habituais e as expresamente acordadas pola xunta, consignaranse as seguintes cláusulas:

a) O compromiso da empresa de axustarse no prazo e modo de execución ó proxecto de urbanización e ó acordado, así como o compromiso de facilita-la acción inspectora sobre a realización das obras do concello e do consello rector da xunta de compensación.

b) Os supostos de incumprimento que darán lugar á resolución do contrato e as indemnizacións que haberá que satisfacer pola inobservancia das características técnicas ou prazos de execución.

c) Prazos e modo de aboamento pola xunta de cantidades a conta da obra realizada.

d) Retención de cantidades de cada pagamento parcial como garantía da execución das obras, cantidades que non serán devoltas ata a definitiva recepción das obras.

11.2. Os acordos cos propietarios de terreos situados en polígonos estremeiros, se é o caso, para enlace de infraestructuras e repercusión de custos de vías circundantes, serán subscritos pola xunta de compensación.

Duodécima.-Custeamento da urbanización.

12.1. Tódolos gastos que se deriven das obras de urbanización serán satisfeitos polos socios en proporción á súa cota de participación. Os gastos de urbanización comprenden, ademais dos sinalados no artigo 132 da Lei do solo de Galicia, todos aqueles que orixine a execución da urbanización incluídas as indemnizacións derivadas de expropiacións que se teñan que efectuar.

12.2. No proxecto de compensación distribuirase o custo da urbanización, sinalándose a cota que que corresponde a cada socio.

12.3. Logo de acordo dos propietarios interesados, o pagamento do custo da urbanización poderá ser realizado mediante cesión por aqueles, gratuíta e libre de cargas, de terreos edificables na proporción que se estime axeitada para efectos de compensación.

12.4. Para lles facer fronte ós gastos de urbanización, a xunta poderá dispoñer, mediante alleamento, dos terreos que se reservasen para tal fin no proxecto de compensación conforme o disposto no artigo 177 do Regulamento de xestión urbanística.

Décimo terceira.-Cotas de participación.

Na distribución dos beneficios e cargas procedentes da urbanización participarán tódolos socios en proporción á superficie da respectiva parcela incluída no polígono. A devandita cota de participación correspondente a cada unha dos predios do polígono expresarase mediante unha porcentaxe da superficie edificable de cada unha en relación coa edificabilidade total.

Décimo cuarta.-Prazos e forma de pagamento de cotas.

14.1. As cotas ordinarias e extraordinarias e as derramas que procedan conforme o disposto nos estatutos serán satisfeitas no prazo máximo dun mes desde que foran requiridos para elo os propietarios integrantes do polígono mediante carta certificada.

14.2. Transcorrido o prazo sinalado sen efectuarse o pagamento, seguirase o procedemento establecido no artigo 41 dos estatutos.

14.3. O pagamento efectuarase en metálico, e o consello rector poderá acorda-lo aprazamento ou fraccionamento de pagamento en atención ás condicións económico-persoais dalgún dos membros da

xunta , sen que en ningún caso supoña prexuízo para o conxunto. Tamén poderá acorda-la asemblea xeral que o pagamento en metálico sexa substituído pola achega de industria ou pola entrega dunha parte dos terreos da súa propiedade á xunta en proporción que corresponda á cota ou cotas, quedando como partícipe na cota correspondente ó terreo que reteña.

Décimo quinta.-Expropiación por incumprimento de obrigas.

15.1. Con independencia da expropiación que procede por falta de incorporación á xunta, tamén son causas de expropiación dos terreos dos membros da xunta o incumprimento das obrigas seguintes:

a) A falta de pagamento de cotas ordinarias e extraordinarias nos prazos establecidos no artigo 41 dos estatutos, sen necesidade de acudir previamente á vía de constrinximento para o cobramento dalgunha cota.

b) En xeral, o incumprimento reiterado dalgunha ou algunhas das obrigas sinaladas no artigo 16 dos estatutos, apreciado pola asemblea xeral e aprobada a sanción pola asemblea e polo concello.

15.2. En canto ó procedemento expropiatorio, seguirase o establecido na base quinta.

Décimo sexta.-Responsabilidade da xunta de compensación.

16.1. A xunta de compensación será directamente responsable fronte o concello da urbanización completa do polígono, tanto no que respecta ás características técnicas das obras como no referente ós prazos de execución e transmisión ó concello.

16.2. O incumprimento polos membros da xunta de compensación das obrigas e cargas impostas pola lei, mesmo cando o incumprimento se refira ós prazos para cumpri-los ditos deberes e cargas, habilitará o concello para expropia-los respectivos dereitos en favor da xunta de compensación, que terá a condición xurídica de beneficiaria.

16.3. Cando o incumprimento consista na negativa ou atraso no pagamento das cantidades debidas á xunta , esta poderá optar entre solicitar do concello a aplicación da expropiación ó membro moroso ou solicitar dela o cobramento da débeda pola vía de constrinximento.

As cantidades percibidas aplicando este procedemento serán entregadas pola Administración actuante á xunta de compensación.

16.4. Non poderá instarse ningún dos procedementos sinalados no número anterior ata transcorrido un mes desde o requirimento de pagamento efectuado pola xunta de compensación.

16.5. O pagamento das cantidades debidas á xunta, cos xuros e recargas que procedan, realizado en calquera momento anterior ó levantamento da acta de ocupación, dará lugar á cancelación do expediente expropiatorio.

16.6. No caso de comisión dalgunha infracción urbanística seguirase o previsto no artigo 183 do Regulamento de xestión urbanística, se ben a xunta poderá repercuti-lo importe das multas sobre os membros dela directamente responsables das infraccións ou que percibisen beneficio derivado dela, sen prexuízo da responsabilidades patrimoniais que os membros puideran sufrir pola actuación daquela.

Décimo sétima.-Afección real dos terreos.

17.1. Os terreos quedan afectos ó cumprimento das obrigas inherentes ó sistema de compensación, o que se fará constar no Rexistro da Propiedade por instancia da xunta de compensación, á que se unirá certificación administrativa da constitución da xunta de esta-lo predio incluído no polígono.

17.2. Os predios resultantes quedan afectos con carácter real ó pagamento dos custos de urbanización na proporción que corresponda, afección que se cancelará mediante certificación da xunta de compensación unha vez pagados os custos, á que se unirá certificación da Administración acreditativa tamén da recepción das obras.

Décimo oitava.-Valoración dos predios resultantes.

18.1. Para proceder á distribución dos soares resultantes a xunta deberá redactar un proxecto de compensación, afectando tanto os terreos dos socios como os terreos incorporados por expropiación.

18.2. Para a determinación do valor das parcelas resultantes considerarase o básico de repercusión coas correccións, cando proceda, derivadas da situación e características de cada parcela no polígono ou na unidade reparcelable, determinadas na forma que sinale a normativa sobre fixación de valores catastrais.

18.3. Sempre que sexa posible procurarase que os predios adxudicados estean en lugar próximo ós das antigas propiedades dos mesmos titulares. Nembargantes, esta regra non se aplicará se a antiga propiedade estivera situada, unha vez realizada a reparcelación, en máis do 50% da súa superficie en terreos destinados a vías, zonas verdes ou outros usos incompatibles coa propiedade privada.

18.4. Non se poderán adxudicar coma predios independentes superficies inferiores á parcela mínima edificable ou que non reúnan a configuración e características axeitadas para a súa edificación conforme a planeamento.

Décimo novena.-Adxudicación en copropiedade.

19.1. Procurarase sempre a adxudicación de predios independentes e só no suposto previsto no punto seguintes optará pola adxudicación en copropiedade pro indiviso, tentando sempre que esas comunidades estean constituídas polo menor número posible de comuneiros.

19.2. Cando a escasa contía dos dereitos dalgúns propietarios non permita que se lles adxudiquen predios superiores á parcela mínima independentes a todos eles, os soares resultantes adxudicaránselles

en pro indiviso a tales propietarios. A mesma solución se dará cando o dereito de determinados propietarios non quede esgotado coa adxudicación independente que se faga ó seu prol.

Vixésima.-Compensacións en metálico.

20.1. Cando a escasa contía dos dereitos dun propietario o aconselle, o proxecto de compensación poderá substituí-la súa adxudicación por unha indemnización en metálico calculada conforme os criterios de valoración dos predios resultantes da base décimo oitava.

20.2. Cando non sexa posible a correspondencia exacta entre a cota de participación dun membro da xunta e a cota de adxudicación en terreos, o defecto ou exceso compensarase en metálico atendendo ó prezo medio dos terreos adxudicados, referido ó aproveitamento concreto percibido en exceso ou deixado de percibir en terreos, sempre que as diferencias non sexan superiores ó 15% do valor dos terreos que se lle adxudiquen.

Vixésimo primeira.-Momento e criterios da adxudicación.

21.1. A aprobación definitiva do proxecto de compensación efectuada polo concello, a expedición do documento ou o outorgamento da escritura pública a que se refire o artigo 113 e seguintes do Regulamento de xestión urbanística determinará a inscrición no Rexistro da Propiedade e a subrogación con plena eficacia real das antigas polas novas parcelas, con aplicación das exencións fiscais nos termos establecidos no artigo 135.4º da Lei do solo de Galicia e lexislación concordante.

21.2. A adxudicación dos predios resultantes farase entre os membros da xunta, ó igual que os restantes beneficios ou cargas, en proporción ás participacións respectivas de acordo co sinalado nas presentes bases de actuación.

21.3. Se é o caso, os terreos libres das parcelas adxudicaranse coa superficie edificable delas.

21.4. No caso de ser inferior o número de soares resultantes ó de titulares de predios achegados, ou pola escasa contía dos dereitos dalgúns dos membros da xunta non sexa posible a atribución de predios independentes, adxudicarase no título a cota correspondente a cada copropietario, salvo que proceda a adxudicación en metálico de acordo co previsto nestas bases, sen que por iso haxa lugar a indemnización a cargo da xunta de compensación.

21.5. Só se asignarán volumes edificables nos predios resultantes a aqueles terreos incluídos no perímetro do polígono nos que exista sinalado un sólido edificable.

Vixésimo segunda.-Compensacións por constitución de servidume de paso en predio resultante.

A eventual constitución dunha servidume de paso sobre parcelas privadas de resultado en favor e para acceso ó aparcadoiro público proxectado no polígono valorarase consonte as disposicións sobre expropia

ción que especificamente determinen o prezo xusto deles; e subsidiariamente, segundo as normas do dereito administrativo, civil ou fiscal que resulten de aplicación. En todo caso valorarase o uso de que resulte privado o dono do predio servente como consecuencia da constitución da servidume en favor da parcela dominante, así como os prexuízos que a servidume ocasione a aquel.

Vixésimo terceira.-Momento de edificación dos terreos.

Unha vez definitivo en vía administrativa o acordo aprobatorio do proxecto de compensación, os propietarios integrados na xunta ou, se é o caso, a propia xunta poderán iniciar, logo de licencia municipal, as obras de edificación das respectivas parcelas resultantes antes de concluída a urbanización, nos termos que resultan dos artigos 41 e 42 do Regulamento de xestión, sen que iso obstaculice a normal execución das obras previstas no proxecto de urbanización.

Vixésimo cuarta.-Conservación da urbanización.

Ata que se produza a recepción dos servicios e terreos polo concello, a conservación da urbanización correrá por conta da xunta de compensación consonte os criterios de proporcionalidade previstos para o pagamento de cotas de urbanización.

Vixésimo quinta.-Transmisión ó concello de terreos e servicios.

25.1. O acordo de aprobación definitiva do proxecto de compensación producirá a cesión o concello dos terreos obxecto de cesión gratuíta, para a súa afectación ós usos previstos no planeamento.

25.2. A cesión das obras de urbanización e instalacións previstas, se é o caso, producirase en favor do concello no prazo de tres meses desde a recepción definitiva pola xunta de compensación, podendo referirse a fraccións do solo ordenado que constitúan unidades funcionais directamente utilizables.

25.3. A adxudicación de predios e cesión de terreos ó concello formalizarase mediante o proxecto de compensación. A cesión de obras e instalacións reflectirase en acta que subscribirá coa xunta de compensación.

Estatutos da xunta de compensación para a xestión

e execución da urbanización da unidade de

execución correspondente ó cuarteirón nº 51

do P.E.E.C. Unidade de Actuación Pobo Galego

Estatutos

TÍTULO I

Disposicións xerais

Capítulo I

Antecedentes

De acordo co establecido na lei, o procedemento de constitución da xunta de compensación iníciase mediante acordo da Administración actuante polo que se aproba inicialmente e se somete a información

pública o proxecto de estatutos e bases de actuación (art. 102. 4º LSG).

A redacción corresponde ós propietarios que reúnen como mínimo o 50% da superficie total do polígono, constituídos en comisión xestora, fixado na lei para a aplicación do sistema de compensación (art. 133.4º LSG).

Artigo 1º.-Estatutos.

Os estatutos constitúen as regras polas que se vai rexe-la organización e funcionamento da xunta de compensación. A súa modificación deberá obter máis do 50% dos votos favorables da asemblea xeral e a aprobación do Concello de Vigo.

Artigo 2º.-Bases de actuación.

Constitúen a base para a redacción do proxecto de compensación. As bases de actuación aprobaranse e modificaranse polo mesmo procedemento previsto para os estatutos.

Artigo 3º.-Proxecto de compensación.

O proxecto de compensación, redactado pola xunta de compensación, constitúe o instrumento básico da lei para a adxudicación dos novos predios do polígono e inscrición no Rexistro da Propiedade, así como para a determinación do importe das compensacións e indemnizacións que fosen procedentes, e a localización dos terreos de cesión obrigatoria.

Capítulo II

Identidade

Artigo 4º.-Denominación e personalidade xurídica.

4.1. Para a execución do cuarteirón nº 51 do Plan especial e catálogo complementario de edificios, conxuntos e elementos que hai que conservar -Unidade de Actuación Pobo Galego constitúese a xunta de compensación do polígono correspondente ó cuarteirón nº 51 Unidade de Actuación Pobo Galego como entidade urbanística colaboradora de carácter administrativo, personalidade xurídica propia e plena capacidade para o cumprimento dos seus fins, con eficacia a partir da aprobación polo concello e a inscrición no Rexistro de Entidades Urbanísticas e Colaboradoras de Pontevedra. Esta xunta de compensación está integrada polos propietarios das parcelas incluídas no polígono e, se é o caso, polos do solo exterior ocupado para a execución de sistemas xerais que deban participar no polígono.

4.2. A xunta tamén se integra polas entidades públicas titulares de bens demaniais ou patrimoniais e, se é o caso, polas empresas urbanizadoras que se incorporen consonte o establecido nos presentes estatutos e bases de actuación.

4.3. A xunta de compensación rexerase polo disposto nos presentes estatutos e, con carácter imperativo, pola vixente Lei 1/1997, do 24 de marzo, do solo de Galicia e os artigos vixentes do Regulamento de xestión urbanística, aprobado polo Real decreto 3288/1978, do 25 de agosto, segundo táboa de vixencias aprobada polo Decreto 304/1993, do

26 de febreiro, e disposición transitoria 3ª da LSG, e supletoriamente pola Lei de sociedades anónimas, así como polas disposicións legais ou regulamentarias que substitúan todas estas normas.

Artigo 5º.-Ámbito de actuación.

Os terreos que constitúen a área de actuación da xunta son os incluídos dentro do polígono correspondente ó cuarteirón nº 51 do Plan especial e catálogo complementario de edificios, conxuntos e elementos que hai que conservar en Vigo- Unidade de Actuación Pobo Galego, aprobado polo Pleno do Concello de Vigo en sesión do 25 de outubro de 1990, segundo a modificación puntual aprobada polo mesmo Pleno o 15 de xuño de 1998, delimitado pola rúa Doutor Cadaval e a Travesía da Auroa, no termo municipal de Vigo, e segundo o estudio de detalle redactado polos arquitectos superiores Enrique Colomés Montañés e Martín Colomés Montañés, visado polo Colexio Oficial de Arquitectos de Galicia o 14 de xullo de 1997.

Artigo 6º.-Domicilio.

O domicilio da xunta de compensación establécese na Delegación en Vigo do Colexio de Arquitectos de Galicia, na rúa Marqués de Valladares, nº 27, da localidade de Vigo. Este domicilio poderá ser trasladado a outro lugar por acordo da asemblea xeral, dando conta ó concello e ó Rexistro de Entidades Urbanísticas Colaboradoras.

Artigo 7º.-Obxecto.

O obxecto da xunta de compensación é a promoción e urbanización do polígono correspondente ó cuarteirón nº 51 do Plan especial e catálogo complementario de edificios, conxuntos e elementos que hai que conservar en Vigo- Unidade de Actuación Pobo Galego, utilizando o sistema de compensación mediante o reparto equitativo entre os propietarios afectados dos beneficios e cargas da urbanización, ademais da actuación compensatoria sobre os terreos comprendidos no seu ámbito.

Artigo 8º.-Fins.

8.1. Os fins da xunta de compensación son os seguintes:

a) Agrupa-los propietarios dos predios comprendidos no polígono e, se é o caso, os do solo exterior ocupado para a execución de sistemas xerais que deban participar nel, para actuar en réxime de compensación.

b) Celebrar toda clase de contratos que sexan necesarios para logra-lo obxecto proposto, mesmo os de redacción de proxectos de compensación e urbanización, así como os de execución e da obra urbanizadora e, se é o caso, de edificación.

c) Transmitir ó concello en pleno dominio e libre de cargas, tódolos terreos urbanizados, obras e instalacións de cesión obrigatoria.

d) Ceder obrigatoria e gratuitamente ó concello o solo correspondente ó 10% do aproveitamento do correspondente ámbito.

e) Solicitar do concello, a título de beneficiaria, o exercicio da potestade expropiadora en relación ás parcelas das que os propietarios non se incorporen en tempo oportuno á xunta de compensación, ou incumpran as súas obrigas nos supostos que se contemplan nas bases de actuación; así como solicitar ó concello a ocupación, en favor da xunta de compensación, dos predios dos que os propietarios non se incorporen en tempo oportuno á xunta de compensación co fin de posibilita-la execución das obras de urbanización previstas.

f) Solicitar do concello o exercicio da vía de constrinximento para o cobramento das cantidades debidas polos membros da xunta.

g) Incorporar os terreos á xunta, o que non supón a transmisión da propiedade senón a facultade de disposición de administración para obter ó obxecto proposto con carácter fiduciario, quedando afectados os terreos ó cumprimento das obrigas urbanísticas. Circunstancia que se fará constar por nota marxinal no Rexistro da Propiedade por instancia da xunta de compensación.

h) Formalizar operacións de crédito ou emitir títulos para a urbanización coa garantía dos terreos afectados.

i) Asumi-la xestión e defensa dos intereses comúns dos membros integrantes da xunta de compensación, comparecendo como tal ante rexistros da propiedade, persoas xurídico-privadas, notarías e ante calquera autoridade ou órgano da Administración do Estado, autonómica, provincial ou local, así como ante os xuíces e tribunais en tódolos seus graos, instancias e xurisdiccións.

j) Exerce-lo dereito a existir das empresas que prestasen os servicios, salvo na parte en que segundo súa regulamentación deban contribuí-los usuarios, o reembolso dos gastos de instalación das redes de auga e enerxía eléctrica.

k) Adxudica-las parcelas que resulten no proxecto de compensación, entre os compoñentes da xunta de compensación.

l) Proceder, se é o caso, á edificación de todo ou parte dos terreos do polígono, logo de acordo da asemblea xeral.

Solicitar da Administración actuante a inscrición da xunta de compensación no Rexistro de Entidades Urbanísticas Colaboradoras da Consellería de Política Territorial, Obras Públicas e Vivenda, así como no Rexistro Mercantil se se emitiran obrigas ou fora conveniente.

m) Solicita-lo outorgamento dos beneficios fiscais urbanísticos previstos nas disposicións legais e en particular no disposto no art. 135.4º da LSG e 159.4º do Real decreto lexislativo 1/1992, do 26 de xuño.

n) Solicitar dos órganos urbanísticos competentes a aprobación do proxecto de compensación e de urbanización.

o) En xeral, o exercicio de cantos dereitos e actividades lle correspondan de acordo coa lexislación vixente.

8.2. Para o cumprimento de tales fins, a xunta de compensación, logo de aprobación definitiva dos presentes estatutos e inscrición no Rexistro de Entidades Urbanísticas, terá plena personalidade e capacidade xurídica propia, podendo adquirir, posuír e allear bens do seu patrimonio conforme o disposto no Regulamento de xestión urbanística.

Artigo 9º.-Duración.

9.1. A xunta de compensación constitúese por todo o tempo necesario para a consecución do seu obxecto social, salvo que antes fora acordada a súa disolución e liquidación, segundo o previsto nos presentes estatutos.

9.2. A disolución da xunta de compensación requirirá, en todo caso, acordo da Administración urbanística actuante.

9.3. Non procederá a aprobación da disolución da xunta de compensación mentres non conste o cumprimento das obrigas que estean pendentes.

TÍTULO II

Constitución da xunta de compensación

Artigo 10º.-Incorporación á xunta.

10.1. A xunta de compensación componse das persoas físicas ou xurídicas, privadas ou públicas, propietarias dos terreos incluídos no polígono, sen discriminación ningunha en canto ós dereitos e obrigas, que acepten o sistema ou se adhiran a el antes do outorgamento da escritura pública de constitución ou no prazo máximo que nestes estatutos se fixa.

10.2. Así mesmo, forma parte da xunta o representante do Concello de Vigo designado en legal forma e, se é o caso, os propietarios de terreos destinados a sistemas xerais que haberán de facer efectivo o seu dereito no polígono.

10.3. Tamén poderán formar parte da xunta empresas urbanizadoras representada por unha soa persoa, cos requisitos e condicións que se sinalen nos estatutos e nas bases de actuación. Para a valoración da achega da empresa e das adxudicacións ó seu favor, seguirase o sinalado nas bases de actuación.

10.4. Os propietarios non promotores da xunta poderán incorporarse a ela durante o prazo de información pública, unha vez recaída a aprobación inicial, ou no prazo dun mes a partir da notificación persoal da aprobación definitiva dos presentes estatutos. Transcorridos os ditos prazos a incorporación á xunta só poderá efectuarse mediante escritura pública de adhesión dentro do prazo dun mes desde a formalización da escritura pública de constitución, ou, transcorrido este último prazo, nas condicións que acorde a asemblea xeral co voto favorable do 50% das cotas e coas garantías e compromisos que se esixan.

10.5. A incorporación á xunta en calquera dos momentos sinalados no punto anterior, será solicitada polo interesado mediante escrito que terá de presentar no rexistro xeral da Xerencia Municipal de Urbanismo de Vigo, facendo constar expresamente a súa adhesión ós estatutos e ás bases de actuación, os seus datos persoais, domicilio para efectos de notificación, os concernentes á superficie, lindeiros da predio ou predios propiedade do solicitante e a documentación xustificativa da súa propiedade.

10.6. Para que a incorporación produza efectos será preciso que os propietarios adheridos depositen, no prazo dun mes desde que sexan requiridos pola xunta e á súa disposición, a cantidade necesaria correspondente a gastos xa realizados e de previsión inmediata, cantidade que non poderá ser superior á xa satisfeita polos promotores, atendida a proporcionalidade dos terreos pertencentes a uns e outros.

10.7. En calquera caso os propietarios deberán entregar, no prazo de dez días desde a data da súa incorporación á xunta, os títulos e documentos acreditativos da súa titularidade, así como declara-las situacións xurídicas, cargas e gravames que afecten os seus respectivas predios, con expresión, se é o caso, da súa natureza, nomes e domicilio dos titulares dos dereitos reais ou de arrendamento.

10.8. Tanto os asociados fundadores como os adheridos á xunta terán, unha vez incorporados a esta, os mesmos dereitos e obrigas.

10.9. O feito de non solicita-la incorporación á xunta no período de información pública dos estatutos inicialmente aprobados nin no prazo dun mes, a partir da notificación persoal da aprobación definitiva, ou incorporados non fixeran efectivas as cantidades procedentes no prazo sinalado anteriormente, facultará a xunta para exercer, na súa condición de beneficiaria, o dereito de expropiación forzosa consonte o disposto nestes estatutos e nas bases de actuación; ou ben a ocupación dos ditos predios en favor da xunta de compensación co fin de posibilita-la execución das obras de urbanización previstas, recoñecéndolles ós seus titulares o dereito á adxudicación de terreos edificables en proporción á superficie achegada coa reducción axeitada para compensa-los gastos de urbanización correspondentes.

Neste último caso, aínda cando os terreos quedasen directamente afectados ó cumprimento das obrigas inherentes ó sistema, a xunta de compensación só actuará como fiduciaria co pleno poder dispositivo sobre os predios que pertenzan ós propietarios incorporados voluntariamente a ela.

Artigo 11º.-Constitución da xunta de compensación.

11.1. Transcorridos os prazos mencionados no artigo 10.4º, os promotores da xunta convocarán a tódalas persoas físicas ou xurídicas, privadas ou públicas e, se é o caso, as empresas urbanizadoras incorporadas a ela, que aceptasen o sistema de actua

ción para a celebración da asemblea constituínte á que asistirá un notario, o cal elevará a público a acta da asemblea, sinalando nela o obxecto da convocatoria. Nesta asemblea formalizarase a escritura pública de constitución da xunta de compensación, tomándose o acordo co voto favorable dos propietarios que representen máis do 50% da superficie do polígono.

11.2. Na escritura de constitución farase constar:

a) Relación dos propietarios e, se é o caso, das empresas urbanizadoras.

b) Relación dos predios das que sexan titulares.

c) Persoas físicas que fosen designadas para ocupa-los cargos do órgano rector, composto polo presidente, secretario, tesoureiro e, se é o caso, vocais.

d) Acordo de constitución.

e) Outras declaracións de interese ó obxecto da xunta de compensación.

11.3. Os interesados que incorporados non outorguen a escritura, poderán consenti-la súa incorporación en escritura de adhesión no prazo dun mes desde a formalización da escritura de constitución, implicando, no caso contrario, a non incorporación á xunta de compensación.

Non obstante, as empresas urbanizadoras e demais interesados poderán incorporarse mesmo despois do prazo sinalado no parágrafo anterior, nas condicións que acorde a asemblea xeral co voto favorable do 50% das cotas e coas garantías e compromisos que se esixan.

11.4. A copia autorizada da escritura e, se é o caso, das adhesións deberanse trasladar ó Concello de Vigo para que adopte, se procede, o acordo aprobatorio no prazo de 30 días, elevando o dito acordo xunto coa copia autorizada da escritura á Delegación Provincial da Consellería de Política Territorial, Obras Públicas e Vivenda, para súa inscrición no Rexistro de Entidades Urbanísticas Colaboradoras de Pontevedra.

Artigo 12º.-Incorporación da Administración actuante.

O Concello de Vigo, como órgano de control e fiscalización, designará un representante como membro integrante da xunta de compensación.

Artigo 13º.-Titularidades especiais.

13.1. Cando os predios pertenzan a menores ou incapacitados, formarán parte da xunta os seus representantes legais. Se se adxudican cantidades ós menores ou incapacitados, daráselle-lo destino que sinala a lexislación civil, e se se adxudican inmobles inscribiranse a favor dos titulares rexistrais dos predios achegados, se estas tivesen acceso ó rexistro con anterioridade.

13.2. No caso de existir cotitularidade sobre unha predio ou dereito, os cotitulares haberán de designar unha persoa para o exercicio das súas facultades

como socios, respondendo solidariamente fronte á xunta de cantas obrigas dimanen da súa condición. Se non designaren representante no prazo que para o efecto sinale a xunta, será nomeado por esta entre os cotitulares, con aprobación municipal.

13.3. No caso de que nalgún predio pertenza a núa propiedade a unha persoa, tendo outra calquera dereito real limitativo do dominio, a calidade de socio corresponderá á primeira, sen prexuízo dos dereitos e obrigas que ostenten os segundos.

Artigo 14º.-Transmisión de bens e dereitos.

14.1. A incorporación dos propietarios non presupón a transmisión a xunta da propiedade dos inmobles, pero a xunta de compensación actuará como fiduciaria con pleno poder de xestión, administración e disposición para logra-lo obxecto da actuación.

14.2. A xunta de compensación será beneficiaria da expropiación, tanto dos bens dos que os propietarios non se incorporen no prazo e forma a ela, como nos casos de incumprimento das obrigas contraídas nos supostos que se enumeran nas bases de actuación.

O procedemento expropiatorio será o establecido na normativa vixente sobre expropiación forzosa e en canto ás valoracións seguirase o sinalado nas bases de actuación. Non obstante as superficies que teñan que ser obxecto de cesión con destino ó uso público previsto no planeamento, poderán ser ocupadas e as construccións, instalacións e plantacións demolidas pola xunta de compensación unha vez aprobado o proxecto de compensación co fin de non paraliza-la execución da urbanización, sen prexuízo todo iso da continuación do expediente contradictorio de prezo xusto, se é o caso. Un perito designado pola xunta de compensación redactará informe pericial do estado e valoración das construccións, instalacións e plantacións afectadas, que será aprobado pola xunta de compensación xunto coa aprobación inicial do proxecto de compensación ou con posterioridade a esta.

14.3. A xunta poderá gravar e allear terreos, ben incorporados a ela por expropiación, ou ben achegados polos seus membros para facer fronte ós gastos de urbanización, logo de acordo adoptado en asemblea xeral.

14.4. En caso de que a xunta de compensación solicite ó concello a ocupación dos predios non incorporados, tendo a condición de beneficiaria, co fin de posibilita-la execución das obras de urbanización previstas, recoñecerá ós seus titulares o dereito á adxudicación de terreos edificables en proporción á superficie achegada coa reducción axeitada para compensa-los gastos de urbanización correspondentes.

Neste caso, aínda cando os terreos quedasen directamente afectados ó cumprimento das obrigas inherentes ó sistema, a xunta de compensación só actuará como fiduciaria con pleno poder dispositivo sobre

os predios que pertenzan ós propietarios incorporados voluntariamente a ela.

En todo caso, se os propietarios afectados pola ocupación demostrasen que os seus terreos constitúen a única ou predominante fonte de ingresos con que contan, terán dereito a percibir unha indemnización equivalente á rendibilidade demostrada, durante o período que medie entre a ocupación efectiva e a adxudicación que lles corresponda, ou á expropiación do seu dereito.

14.5. Os membros integrantes da xunta de compensación poderán allear terreos ou a súa participación nela, coas seguintes condicións e efectos:

a) O transmitente notificaralle en forma fidedigna ó presidente da xunta o nome, domicilio e demais circunstancias do adquirente, así como as condicións da transmisión para os efectos da súa necesaria constancia.

b) O adquirente por calquera título quedará subrogado nos dereitos e obrigas pendentes por razón da participación alleada, facéndose expresa mención diso no título de transmisión.

14.6. A transmisión á Administración correspondente de tódolos terreos de cesión obrigatoria, en pleno dominio e libre de cargas, terá lugar por ministerio da lei coa aprobación definitiva do proxecto de compensación.

TÍTULO III

Dereitos e obrigas dos membros

da xunta de compensación

Artigo 15º.-Dereitos.

a) Asistir por si ou por medio de representante ás sesións da asemblea xeral, emitindo voto en proporción ó interese económico que ostente e presentar proposicións e suxestións.

b) Elixi-los membros dos órganos de Goberno e ser elixidos para o desempeño de cargos.

c) Allear, gravar ou realizar calquera acto de disposición sobre os terreos ou cotas da súa propiedade, nos termos e condicións sinalados no nº 4 do artigo precedente.

d) Recibir, individualmente ou en copropiedade, as parcelas, a edificabilidade ou o seu valor en metálico que lles sexan adxudicadas en desenvolvemento do sistema de actuación, en proporción ás súas cotas de participación. O valor das diferencias de adxudicación tamén poderán facerse efectivas en metálico.

e) Participar, se é o caso, nos beneficios resultantes da xestión común ó tempo de súa liquidación e en proporción ás súas respectivas cotas.

f) Informarse sobre a actuación da xunta e coñece-lo estado de contas, solicitando a exhibición de recibos, xustificantes e certificacións das actas, todo iso nas condicións que se acorden na asemblea xeral.

g) Interpoñe-los recursos que procedan contra os acordos os órganos de goberno da xunta, nos prazos e cos requisitos establecidos nos presentes estatutos.

h) Os demais dereitos que correspondan de conformidade co disposto nos presentes estatutos, bases de actuación e normativa legal aplicable.

Artigo 16º.-Obrigas.

16.1. Ademais das obrigas de carácter xeral derivadas do cumprimento das prescricións e normas legais e de planeamento urbanístico vixentes, e dos acordos adoptados polos órganos de goberno e administración da xunta, os asociados estarán obrigados a:

a) Poñer á disposición da xunta os documentos acreditativos da súa titularidade acreditando a superficie computable mediante certificación rexistral ou testemuño notarial do título de adquisición. Na falta de ambos o propietario debe presentar declaración xurada no que faga consta-la superficie dos propietarios estremeiros e o título de adquisición, acompañando un esbozo e cantos documentos poidan acredita-la súa condición de propietario tales como recibo xustificativo do pagamento do imposto de bens inmobles, certificación do catastro ou amillaramento.

Se é o caso, indica-los nomes e domicilios dos titulares de dereitos reais con expresión da natureza e contía das cargas e gravames.

b) Sinalar no momento da incorporación á xunta un domicilio para efectos de notificacións, así como as sucesivas modificacións para constancia na secretaria da xunta, reputándose ben practicada calquera notificación que ó citado domicilio se dirixa.

c) Cumpri-los acordos validamente adoptados pola asemblea xeral ou polo consello rector e acata-la autoridade dos seus representantes, sen prexuízo dos recursos a que houbera lugar.

d) Paga-los gastos de urbanización e as cotas ordinarias e extraordinarias na contía que a cada membro corresponda e nos prazos que para o efecto se sinalen.

e) Regulariza-la titularidade e situación rexistral dos terreos achegados dentro dos prazos sinalados polo consello rector.

f) Efectua-las cesións gratuítas dos terreos que resulten da actuación e outorga-los documentos necesarios para formaliza-las ditas cesións.

g) Permiti-la ocupación dos seus predios para a execución das obras de urbanización, depósito de materiais e instalacións complementarias.

Permitir igualmente á xunta, unha vez aprobado por esta o proxecto de compensación, a ocupación e demolición das construccións, instalacións e plantacións situadas no solo, subsolo ou voo que teñan que ser obxecto de cesión con destino a uso público ou servicios, todo iso sen prexuízo da continuación do expediente contradictorio de prezo xusto, se é o caso.

h) No suposto de que algún dos propietarios decidira proceder ó alleamento parcial ou total dos terreos achegados á xunta ou da cota que lle fose atribuída, o transmitente deberá notificalo na forma prevista no artigo 14º.5 destes estatutos.

i) Designar nos supostos de copropiedade unha persoa que represente ós cotitulares ante os órganos representativos da entidade, sen prexuízo da responsabilidade solidaria daqueles no exercicio dos dereitos e cumprimento das obrigas.

16.2. O incumprimento das súas obrigas por calquera propietario ou propietarios, lexitima a xunta para promove-la expropiación conforme a vixente normativa urbanística.

TÍTULO IV

Órganos de goberno e administración

Artigo 17º.-Enumeración.

Os órganos de goberno e administración da xunta de compensación quedarán constituídos polos seguintes:

a) Asemblea xeral.

b) Consello rector.

c) Rector ou comisión executiva.

d) Presidente.

e) Secretario.

f) Tesoureiro.

Capítulo I

Da asemblea xeral

Artigo 18º.-Composición e clases.

18.1. A asemblea, órgano deliberante supremo da xunta de compensación e decisorio no ámbito da súa competencia, estará constituída por tódolos membros da xunta de compensación e reunirase en forma ordinaria polo menos unha vez ó ano, co fin de deliberar e tomar acordos sobre a aprobación, se é o caso, da memoria, contas, balance e xestións realizadas e para aproba-lo orzamento do exercicio seguinte.

En sesión extraordinaria reunirase cantas veces o estime necesarias o seu presidente, o consello rector por maioría dos seus membros ou o solicite un número de membros da xunta que representen unha cuarta parte do total coas cotas de participación, debendo expresar na solicitude os asuntos que se vaian tratar. Neste suposto o presidente deberá convoca-la asemblea extraordinaria dentro dos quince días seguintes á solicitude, non podendo demorarse a súa celebración máis de trinta días desde a súa convocatoria.

18.2. Serán presidente e secretario da asemblea xeral os que o sexan do consello rector, e formará parte da asemblea, se é o caso, o representante do concello como órgano de control e fiscalización e, se é o caso, como propietario.

18.3. Estando reunidos tódolos membros da xunta poderá celebrarse a asemblea xeral se así se acorda por unanimidade, sen necesidade de convocatoria previa.

18.4. Tódolos membros da xunta, mesmo os disidentes e os que no asistisen á asemblea, quedarán sometidos os acordos validamente adoptados, sen prexuízo dos recursos procedentes.

Artigo 19º.-Facultades.

A asemblea xeral debe coñecer todos cantos asuntos afecten ó obxecto e fins da xunta de compensación, sinalándose con carácter enunciativo e limitativo as seguintes facultades:

a) Modificación dos estatutos e bases de actuación, sen prexuízo da súa aprobación posterior polo Concello de Vigo.

b) Designación e cesamento dos membros do consello rector e o nomeamento, se é o caso, de censores de contas.

c) Exame e aprobación da xestión común, memoria, contas e balance do exercicio anterior e do orzamento e proxectos do seguinte.

d) Determinación dos medios económicos de acordo co establecido nas bases de actuación e disposicións legais, fixación das achegas ordinarias así como imposición de derramas extraordinarias para atender a gastos non previstos no orzamento anual.

e) Autoriza-la formalización de actos dispositivos sobre bens e dereitos da xunta tales como adquisicións, alleamentos, segregacións, divisións, agrupacións, permutas, obras, plantacións, declaracións de obra nova e división horizontal, constitución de dereitos reais, cancelación deles e demais actos de administración e disposición relativos ós bens e dereitos pertencentes á xunta de compensación.

f) Determina-la prioridade na execución das obras de urbanización e, se é o caso, edificación, por proposta do consello rector e dentro das previsións e de acordo co Plan de Etapas do Planeamento aplicable e instrumentos de desenvolvemento, como o proxecto de urbanización, se é o caso.

g) Acorda-la redacción e aprobación do proxecto de compensación e do proxecto de urbanización e as súas reformas, así como a modificación do estudio de detalle.

h) Adxudica-las parcelas e pisos ou locais nos que se teñan que facer efectivos os seus dereitos ós propietarios integrantes do polígono, e para estes efectos aproba-la redacción, se é o caso, do proxecto de compensación, escrituras de declaración de obra nova, división horizontal e adxudicación.

i) Acorda-la formalización de créditos para realiza-las obras de urbanización, mesmo con garantía persoal e/ou hipotecaria dos terreos afectados.

j) Resolver sobre a incorporación das empresas urbanizadoras e acorda-la constitución de sociedade

con fins de urbanización, edificación, explotación de servicios, ou complementarias delas.

k) Acorda-la disolución da xunta de compensación consonte o previsto nestes estatutos.

l) En xeral cantas facultades sexan precisas para o normal desenvolvemento da xunta.

Artigo 20º.-Convocatoria.

20.1. As reunións da asemblea xeral e ordinaria serán convocadas polo presidente do consello rector mediante carta certificada remitida ó domicilio sinalado para estes efectos polos membros asociados á xunta, con oito días hábiles polo menos á data na que teñan que celebrarse e fixando coa mesma antelación un anuncio no domicilio social. En ámbolos casos a convocatoria expresará o lugar, a data e a hora da primeira e segunda convocatoria da reunión, así como orde do día expresiva dos asuntos que teñen que someterse a coñecemento e resolución da asemblea.

Excepcionalmente a sesión constitutiva da xunta de compensación será convocada polos promotores da xunta, na forma e coa antelación sinalada no parágrafo anterior, e con indicación así mesmo, do lugar no que a reunión ten que celebrarse coa asistencia de notario previamente designado para formaliza-la constitución da xunta mediante escritura pública, conforme o artigo 11.1º destes estatutos.

20.2. Na convocatoria das asembleas xerais ordinarias indicarase que no domicilio social, en horas hábiles e ata o día anterior á reunión, se atopan á disposición dos socios a memoria e contas do exercicio anterior co informe dos censores, se é o caso, e o orzamento para o exercicio seguinte.

20.3. As reunións da asemblea xeral extraordinaria serán convocadas cos mesmos requisitos establecidos para as ordinarias polo presidente do consello rector cando o estime conveniente ou dentro dos quince días hábiles seguintes ó requirimento escrito que para o efecto lle dirixise o consello rector, prevía aprobación maioritaria dos seus membros ou en número de membros da xunta que representen unha cuarta parte do total dos socios.

20.4. Estando reunidos tódolos membros da xunta, poderán celebrarse as asembleas se se acorda por unanimidade, sen necesidade de previa convocatoria.

Artigo 21º.-Constitución.

21.1. A asemblea quedará validamente constituída en primeira convocatoria cando concorran a ela, por si ou por representación, socios da xunta que represente polo menos o 50% das cotas. Entenderase validamente constituída en segunda convocatoria con calquera que sexa o número de asistentes, transcorrida media hora despois da primeira.

21.2. Os socios poderán designar por escrito e para cada reunión a outras persoas que lles representen nas asembleas. A representación xeral para tódalas reunións da asemblea xeral deberá acredi

tarse mediante documento público. As persoas xurídicas terán que designar unha soa persoa na súa representación.

21.3. Logo de acordo do consello rector, poderá acudir ás reunións da asemblea xeral persoal especializado para informar sobre calquera materia, tendo voz pero non voto.

Artigo 22º.-Sesións.

22.1. O presidente do consello rector ou quen regulamentariamente o substitúa presidirá a asemblea xeral e dirixirá e moderará os debates pasando á votación o acordo se procedese.

Actuará como secretario o que o sexa do consello rector ou seu substituto.

22.2. Os acordos adoptaranse por maioría de cotas, presentes ou representadas. Non obstante o acordo de aprobación ou modificación do proxecto de compensación requirirá o voto favorable da maioría absoluta das cotas de participación. Os acordos de modificación de estatutos e bases; sinalamento e rectificación de cotas; concertación de créditos, garantías persoais e hipotecas; imposición de achegas extraordinarias; alleamento de terreos; incorporación de empresas urbanizadoras e garantías e compromisos esixibles; aprobación e modificación de proxectos e adxudicación de parcelas e dos pisos e/ou locais en que teñan que facer efectivos os dereitos dos propietarios; así como a modificación de cargos requirirán o voto favorable do 50% das cotas de participacións dos socios, tanto en primeira como en segunda convocatoria. O acordo de disolución da xunta de compensación requirirá o voto favorable do 80% das participacións dos socios.

22.3. Os acordos da asemblea serán inmediatamente executivos, sen prexuízo dos recursos procedentes.

Artigo 23º.-Cómputo de votos.

23.1. O voto será ponderado en función da achega de cada socio. A cada un asignaráselle unha porcentaxe de valor segundo o aproveitamento que lle corresponde no polígono, expresivo dos respectivos dereitos e intereses económicos, que se materializará no correspondente cota de participación.

23.2. No suposto de incorporación de empresas urbanizadoras, no momento da integración destas procederase ó reaxuste das participacións porcentuais dos socios, asignando a cota correspondente á empresa urbanizadora incorporada.

23.3. O valor dos demais bens e dereitos distintos ó solo afectado non influirá na participación dos socios e determinarase, para efectos da compensación procedente, consonte o establecido nas bases de actuación.

23.4. Os membros asociados que non estean ó corrente no cumprimento das súas obrigas para coa xunta quedarán suspendidos no seu voto mentres permanezan na dita situación de incumprimento.

23.5. Para os efectos de quórum, as cotas de participación correspondentes ós predios pertencentes á xunta de compensación, en virtude de adquisición como beneficiaria da expropiación ou calquera outro acto translativo do dominio, atribuiranse ós propietarios asociados na proporción en que contribuísen a sufraga-lo custo daquelas.

Artigo 24º.-Actas e certificacións.

24.1. De cada reunión da asemblea xeral levantarase acta, que haberá de ser aprobada na mesma reunión na que se fará consta-lo lugar, a data e a hora dela, se é en primeira ou en segunda convocatoria, nome e apelidos dos asistentes que subscribirán a acta e dos que actúen en representación, se é o caso, orde do día que será a consignada na previa convocatoria e relación clara e sucinta dos acordos adoptados en relación a cada un dos puntos da orde do día co resultado das votacións.

Na parte inmediatamente inferior subscribirá a acta o secretario da xunta co visto e prace do presidente.

A asemblea poderá determinar que a redacción e aprobación da acta a leve a efecto o presidente e o secretario no prazo de quince días naturais seguintes á celebración da asemblea.

24.2. As actas figurarán no libro correspondente debidamente dilixenciado e foliado.

24.3. Por requirimento dos socios e dos órganos urbanísticos, o secretario expedirá certificación do contido do libro de actas, ou dos requirimentos particulares que se sinalen, co visto e prace do presidente e logo da súa legalización e, se é o caso, aprobación do concello, serán inscritibles nos rexistros públicos correspondentes.

Capítulo II

O consello rector

Artigo 25º.-Composición.

25.1. O consello rector estará composto por un presidente, un secretario, un tesoureiro e o número de vocais que a asemblea xeral estime conveniente. Os cargos recaerán en persoas físicas e designaraos por maioría de votos a asemblea xeral entre quen ostente a calidade de socios da xunta de compensación, ou a proposta destes entre persoas que teñan acreditada competencia en materia urbanística.

25.2. Así mesmo, formarán parte do consello rector o vocal designado polo concello como órgano de control.

Artigo 26º.-Duración dos cargos.

26.1. Os nomeamentos dos cargos designados pola xunta terán dous anos de duración desde a data da súa elección en asemblea xeral, se ben poderán ser reelixidos nunha ou en varias reeleccións ou removidos de seus cargos co voto favorable de socios que representen o 50% das cotas de participación.

26.2. En caso de falecemento, renuncia -que debe notificarse fidedignamente á xunta- ou acordo de cesamento dalgún membro do consello rector, o propio consello nomeará por maioría simple dos seus membros un substituto provisional ata a primeira reunión da asemblea xeral.

Artigo 27º.-Competencia.

Son funcións do consello rector as seguintes:

a) Proposición de acordos á asemblea xeral.

b) Execución dos acordos adoptados pola asemblea xeral.

c) Administración dos fondos da xunta de compensación formalizando a memoria, contas correspondentes e orzamento anual de ingresos e gastos de cada exercicio económico que teña que ser sometido á asemblea xeral de acordo co establecido nos estatutos e o que dispoña a asemblea xeral.

d) Representación xurídica da xunta de compensación en virtude da cal autorizará e outorgará toda clase de actos e contratos públicos ou privados, civís, mercantís e administrativos que teñan por finalidade executa-los acordos da asemblea xeral ou se refiran a asuntos de competencia do consello rector.

e) Facer e esixir pagamentos, cobros e liquidacións calquera que sexa a súa causa xurídica e a persoa ou entidade obrigada de conformidade co acordado pola asemblea xeral.

f) Abrir e manter contas e depósitos en entidades bancarias ou de aforro sen excepción ningunha e dispoñer dos fondos dela mediante a sinatura das persoas autorizadas para tal fin.

g) Librar, aceptar, endosar, descontar e protestar letras de cambio, talóns, cheques ou obrigas de pagamento.

h) Realizar operacións coa Facenda pública en calquera das súas caixas, bancos de carácter oficial e privado, caixas de aforro, sociedades, empresas e particulares.

i) Acorda-la realización de toda clase de actos de dominio tales como adquisicións, alleamentos, segregacións, divisións, agrupacións, permutas, obras, plantacións, declaracións de obra nova e división horizontal, constitución de dereitos reais, cancelación deles relativos ós bens e dereitos pertencentes á xunta de compensación logo da súa aprobación pola asemblea xeral, salvo dispensa desta.

j) Propoñer á asemblea xeral as cotas correspondentes ós socios da xunta de compensación así como as modificacións ou reaxustes procedentes por novas achegas ou a consecuencia das operacións de compensación.

k) Designar e separa-lo xerente técnico administrativo ó servicio da xunta, así como fixa-la súa retribución e réxime de traballo.

l) Adxudicar directamente as obras de urbanización e redacción de proxectos á empresa ou empresas e técnicos que estime conveniente, estean ou non incorporados á xunta de compensación.

m) Fixa-las cantidades necesarias para contribuír ós gastos comúns ordinarios e extraordinarios, así como a forma e prazo en que han de satisfacerse e proceder contra os socios morosos para facer efectivo o pagamento das cantidades que lles correspondan, así como requiri-lo concello para que proceda sobre os morosos por vía de constrinximento.

n) Solicita-la concesión de beneficios fiscais e exencións tributarias que as disposicións vixentes establezan en favor da xunta de compensación.

o) Notificar ós órganos urbanísticos competentes os acordos que teñan que producir efectos ante aqueles.

p) E en xeral tódalas facultades de goberno e administración que non fosen reservadas á asemblea xeral ou aqueloutras que esta expresamente delegue.

Artigo 28º.-Sesións.

28.1. O consello rector reunirase cantas veces sexa necesario para os intereses da xunta por iniciativa do presidente ou por petición dun tercio dos seus membros.

28.2. A covocatoria con indicación dos asuntos que se vaian tratar e do lugar, a data e a hora da sesión será cursada polo secretario en carta certificada cun mínimo de cinco días de antelación, quedando validamente constituído o consello rector cando concorran á reunión presentes ou representados polo menos os dous tercios dos seus membros, podendo delegar estes por escrito e para cada sesión nalgún dos restantes membros.

28.3. Os acordos do consello rector serán adoptados por maioría de votos recoñecéndose calidade de voto dirimente ó presidente no caso de empate e serán inmediatamente executivos sen prexuízo do exercicio dos recursos procedentes.

28.4. Logo de acordo, poderá asistir ás reunións, con voz pero sen voto, persoal especializado co fin de informar sobre determinados asuntos.

Artigo 29º.-Actas e certificacións.

29.1. De cada sesión do consello rector levantarase acta na que se farán consta-los acordos adoptados e o resultado das votacións, sendo aprobada na mesma sesión ou na seguinte que se celebre.

29.2. As actas figurarán no libro de actas correspondente debidamente dilixenciado, sendo asinadas polo presidente e polo secretario.

29.3. Por requirimento dos socios ou dos órganos urbanísticos deberá o secretario, co visto e prace do presidente, expedir cerfiticacións do contido do libro de actas.

Capítulo III

Do presidente

Artigo 30º.-Nomeamento.

O presidente será designado pola asemblea xeral e o seu nomeamento terá unha duración de dous anos, podéndose proceder á súa reelección indefinidamente por períodos iguais.

Artigo 31º.-Funcións.

Son funcións do presidente:

a) Convocar, presidir, suspender e levanta-las sesións da asemblea xeral e do consello rector e executar e facer cumpri-los acordos.

b) Ostenta-la representación xudicial e extraxudicial da xunta de compensación e dos seus órganos de goberno, ante toda clase de xulgados e tribunais, autoridades e organismos da Administración estatal, autonómica ou local, así como ante toda clase de persoas xurídico-privadas, podendo outorgar poderes en favor de persoas determinadas e para específicas funcións, así como en favor de avogados e procuradores coas máis amplas facultades de postulación.

c) Autoriza-las actas da asemblea xeral e do consello rector, as certificacións que expida o secretario e cantos documentos o requiran.

d) Na forma en que o consello determine, abrir, seguir e cancelar a nome da xunta de compensación contas correntes ou de aforro en toda clase de bancos ou institucións de crédito e aforro; dispoñer desas contas para o cal será necesaria a sinatura do tesoureiro conxuntamente coa súa; librar, aceptar, endosar, renovar, anular e descontar efectos mercantís; protestar por falta de aceptación ou de pagamento de letras de cambio, e en xeral desenvolver tódalas operacións bancarias usuais esixidas pola actividade da xunta de compensación.

e) Cantas funcións sexan inherentes ó seu cargo ou lle sexan delegadas por acordo da asemblea xeral ou do consello rector.

Capítulo IV

Do secretario e tesoureiro

Artigo 32º.-Nomeamento.

O secretario será nomeado de igual forma e polo mesmo período có presidente, e no caso de vacante do cargo será desempeñado polo membro do consello rector que o propio consello designe.

Artigo 33º.-Funcións.

a) Asistir preceptivamente a tódalas reunións da asemblea xeral e do consello rector.

b) Levantar acta das sesións, transcribíndoas no libro de actas.

c) Expedir certificacións do contido do libro de actas, co visto e prace do presidente.

d) Levar un libro de rexistro no que se relacionarán os socios integrantes da xunta de compensación con expresión das súas circunstancias persoais: domicilio, data de incorporación, cota de participación e cantos datos complementarios se estimen procedentes.

e) Efectua-las notificacións dos acordos da asemblea xeral ou do consello rector ós órganos urbanísticos competentes, así como ós asociados integrantes da xunta.

f) Custodia-la documentación da xunta de compensación.

g) Así mesmo, realizará os actos de xestión administrativa e demais funcións que especialmente lle encomende o presidente ou consello rector.

Artigo 33º.-Tesoureiro.

33.1. Será designado tesoureiro da xunta de compensación o membro dela que nomee a asemblea na sesión constitutiva e nas sucesivas renovacións.

33.2. Serán funcións do tesoureiro realiza-los pagamentos e cobramentos que correspondan ós fondos da xunta, así como a custodia de estes; asinar xunto ó presidente a apertura, peche e demais operacións bancarias; render contas da xestión orzamentaria da xunta e cumprir tódalas demais disposicións ou acordos da xunta e consello rector.

33.3. O tesoureiro levará a contabilidade da xestión económica en libros adecuados para que en cada momento poida dar razón das operacións efectuadas e se deduzan deles as contas que han de renderse. Obrigatoriamente a contabilidade constará, como mínimo, de libros de ingresos, gastos e caixa, que estarán a cargo do tesoureiro da xunta.

Artigo 34º.-Vocais.

Serán designados vocais aqueles socios nomeados na sesión constitutiva da asemblea xeral ou nas sucesivas renovacións. Serán funcións dos vocais asistir ás reunións do consello rector e participar nas súas deliberacións, substituíndo os restantes membros do consello nos supostos de ausencia e enfermidade.

Capítulo V

Da xerencia técnica

Artigo 35º.-Nomeamento.

O consello rector poderá designar unha xerencia técnica de entre os socios ou non da xunta. O seu nomeamento terá a duración que se acorde no acto da súa designación, coa retribución que corresponda ás actividades que teña que desenvolver, por acordo maioritario do mesmo consello rector.

Artigo 36º.-Funcións.

No acto do seu nomeamento o consello rector poderá atribuír á xerencia técnica, con expresión do seu contido e alcance das funcións que estime convenientes, formando parte inderrogable destas, as seguintes funcións:

a) Executa-los acordos da asemblea xeral e do consello rector na medida que se acorde.

b) Asistir ás sesións do consello rector e asemblea xeral, con voz pero sen voto.

c) Representa-la xunta de compensación ante a Administración, para efectos da xestión administrativa.

d) Organiza-los servicios de réxime interior da xunta de compensación.

e) Cantas funcións lle sexan encomendadas pola asemblea xeral ou polo consello rector.

TÍTULO V

Achegas e medios económicos

Artigo 37º.-Medios persoais.

Ademais das prestacións a prol da xunta a que están obrigados tódolos socios, excepcionalmente poderase proceder á contratación de persoal necesario para o desenvolvemento da actividade, sendo retribuído con cargo ós fondos orzados.

Artigo 38º.-Medios económicos.

Os medios económicos da xunta de compensación estarán constituídos polas achegas dos socios, que poderán ser das seguintes clases:

a) Pola totalidade dos terreos e dereitos que resultan afectados pola actuación, sen prexuízo do respecto de edificacións preexistentes conforme o disposto nas bases de actuación.

b) Polas cotas ordinarias e extraordinarias satisfeitas polos socios.

c) Polas subvencións, créditos, doazóns e outros medios económicos que se obteñan.

d) Polo producto das alleamentos de bens da xunta, se é o caso.

e) Polas rendas e productos do seu patrimonio.

f) Polas achegas das empresas urbanizadoras no caso da súa incorporación á xunta de compensación.

Artigo 39º.-Achega de terreos.

39.1. A participación nos dereitos e obrigas comúns e a conseguinte adxudicación de parcelas resultantes da urbanización vén determinada polo número de unidades de valor que correspondan ós predios achegados por cada un dos propietarios, calculada consonte o disposto nos estatutos e nas bases de actuación.

39.2. As indemnizacións que procedan por extinción de contratos de arrendamento de vivendas, local de negocio ou industria serán por conta da xunta de compensación como gasto de urbanización, sempre que se trate de contratos celebrados con anterioridade á data de aprobación definitiva do plan especial e catálogo complementario de edificios, conxuntos e elementos que hai que conservar.

39.3. O valor dos demais bens e dereitos afectados pola execución do plan que non deban subsistir ó levarse a efecto a urbanización, é dicir, exclusivamente aqueles que teñan que demolerse para a execución material da urbanización en solo que teña que ser obxecto de cesión con destino a uso público a servicios do polígono, determinarase para efectos da súa indemnización consonte as bases de actuación, pero non influirá na participación dos socios.

Artigo 40º.-As cotas e as súas clases.

40.1. Son cotas ordinarias as destinadas a sufraga-los gastos xerais da xunta que se recollen nos orzamentos anuais, tales como os de promoción da actuación urbanística, execución das obras de urbanización a que se refire o art. 132 da Lei do solo

de Galicia, aboamento de honorarios profesionais por elaboración de proxectos, dirección das obras, asesoramentos, intervención en procedemento de reclamación, etc., indemnizacións por expropiación de bens e dereitos e cantos outros veñan esixidos polo cumprimento do obxecto da xunta de compensación.

40.2. Son cotas extraordinarias as que se fixan en acordos específicos da asemblea xeral, así por exemplo a asunción de compromisos de garantía, avais, fianzas constituídas polos membros da xunta en apoio de compromisos que puidese contraer esta en cumprimento das súas obrigas.

Artigo 41º.-Contía e recadación de cotas.

41.1. O consello rector, ó sinala-las cantidades que deben satisfacer os socios integrados na xunta de compensación, definirá a forma e condicións de pagamento daquelas e procederá á súa recadación.

41.2. O importe das cotas será proporcional á participación de cada membro na xunta, incluído o concello pola súa participación como propietario, se é o caso.

41.3. O pagamento realizarase no prazo máximo dun mes desde a data de notificación de requirimento que efectuará o consello rector.

A falta de pagamento en prazo sinalado dará lugar á imposición dunha recarga do xuro básico do Banco de España incrementado en dous puntos, e pagarase dentro dos quince días seguintes ó do vencementos do prazo sinalado no parágrafo anterior.

Transcorrido este segundo prazo instarase do concello a utilización da vía de constrinximento ou utilizarase a vía xudicial ordinaria para reclama-lo pagamento como débeda contraída coa entidade.

41.4. No caso de reiterada actitude de incumprimento no pagamento das cotas apreciada pola asemblea xeral, poderá instarse do concello a utilización da expropiación forzosa en beneficio da xunta de compensación.

41.5. En todo caso, desde a terminación do período voluntario do pagamento sinalado no punto 3º, parágrafo 1º, deste artigo ata a efectividade deste, o socio moroso quedará en suspenso respecto do exercicio dos seus dereitos dentro da xunta de compensación.

Artigo 42º.-Alleamento de terreos.

42.1. Co obxecto de facer fronte ós gastos de urbanización, e en uso do seu carácter de fiduciaria, a xunta de compensación poderá allear algún o algúns dos inmobles achegados, logo de acordo da asemblea xeral, acerca da oportunidade de facelo e do prezo, así como constituír gravames reais sobre eles.

42.2. O adquirente queda subrogado en tódolos dereitos e obrigas que corresponderían ó titular primitivo do terreo en relación coa xunta de compensación, e atendida a proporción dos terreos adquiridos respecto da total achegada polos membros da xunta.

Artigo 43º.-Gastos da xunta, consello rector e representantes.

Serán gastos da xunta de compensación os necesarios para a constitución, administración, etc. dela, conservación de obras, realización de xestións e prestacións de servicios que prescriba o PEEC, redacción de documentación necesaria para a xestión deste polígono.

Os membros do consello rector e os seus representantes autorizados terán dereito ó reembolso por parte da xunta dos gastos ocasionados no desenvolvemento dos seus cargos, podendo a asemblea xeral adoptar acordos ó respecto para a retribución do tempo empregado nas xestións realizadas.

TÍTULO VI

Modificacións, executividade e recursos

Artigo 44º.-Modificación de estatutos.

A modificación dos estatutos deberá ser aprobada por máis do 50% das cotas en asemblea extraordinaria e requirirá a aprobación definitiva do concello e a inscrición correspondente no Rexistro de Entidades Urbanísticas Colaboradoras.

Artigo 45º.-Executividade.

Os acordos dos órganos sociais da xunta de compensación serán executivos, sen prexuízo dos recursos que contra eles se poidan interpor. Os acordos que deban ser ratificados ou aprobados pola Administración ou inscritos no Rexistro de Entidades Urbanísticas Colaboradoras non terán efectividade ata a súa ratificación, aprobación ou inscrición.

Artigo 46º.-Recursos.

46.1. Os acordos dos órganos da xunta de compensación son executivos e non se suspenderán pola súa impugnación, salvo que así o acorde o órgano que deba resolve-lo recurso e así fose solicitado polo recorrente. A suspensión, non obstante, requirirá que coa interposición do recurso se preste fianza en contía suficiente, a xuízo do órgano ante o que se interpoña para cubri-los danos e prexuízos que poidan producirse co aprazamento.

Se o recurso versa sobre o pagamento de achegas ordinarias ou extraordinarias, a garantía consistirá no depósito da cantidade impugnada, máis un 25% dela, para responder dos xuros de demora e prexuízos producidos, ou mediante constitución de aval bancario na mesma contía.

46.2. Os acordos do consello rector poderán ser impugnados no prazo dun mes desde a súa adopción, ou desde a súa notificación ós ausentes ante a asemblea xeral, que deberá resolver no prazo dun mes. Transcorrido o dito prazo sen recaer resolución, seguirase o réxime de recursos previsto na Lei 30/1992, do 26 de novembro, do réxime xurídico das administracións públicas e do procedemento administrativo común.

46.3. Contra os acordos da asemblea xeral, expresos ou por silencio, poderase interpor recurso de

reposición que será resolto pola propia asemblea segundo o réxime e nos prazos previstos no punto anterior.

46.4. En todo caso, contra os acordos da xunta de compensación os interesados poderán inperpoñer recurso de alzada ante o concello, no prazo dun mes.

46.5. Os acordos da asemblea xeral e do consello rector serán considerados firmes se non foran impugnados nos prazos sinalados nos puntos precedentes. Non obstante, a súa executividade contará desde a data na que foron adoptados.

Quen votase a favor do acordo por si ou por medio de representante, non estarán lexitimados para a súa impugnación.

TÍTULO VII

Disolución e liquidación

Artigo 47º.-Disolución.

47.1. A xunta de compensación disolverase por algunha das seguintes causas:

a) Cumprimento do fin para o que foi constituída segundo os presentes estatutos.

b) Por mandato da autoridade xudicial ou prescrición legal.

c) En forma voluntaria, por acordo do 80% das cotas dos membros integrados na xunta de compensación, adoptado en asemblea xeral convocada para o efecto, sen prexuízo do cumprimento por subrogación que expresamente se fará constar na acta de disolución das obrigas contraídas fronte a terceiros e fronte ós propios socios.

47.2. A disolución da xunta de compensación dará lugar á extinción da súa personalidade xurídica, podendo transformarse en sociedade civil ou mercantil, se é o caso.

47.3. Nos supostos a) y c) do presente artigo, a disolución haberá de ser aprobada polo concello.

47.4. O consello rector estará facultado coas limitacións que a asemblea xeral acorde para realiza-las operacións subseguintes á disolución.

Artigo 48º.-Liquidación.

48.1. Acordada validamente a disolución da entidade, o consello rector procederá á liquidación cumprindo as directrices e instruccións que para o efecto acorde a asemblea xeral.

48.2. O patrimonio común, se o houbese, distribuirase entre os asociados en proporción á súa participación na xunta de compensación.

TÍTULO VIII

Mantemento

Artigo 49º.-Asociación administrativa de conservación.

Concluída a urbanización, a xunta poderá acordar na asemblea xeral na que se adopte a súa disolución, a súa transformación en asociación administrativa

de conservación ó abeiro do art. 8 do Regulamento de xestión urbanística.

TÍTULO IX

Cesións á entidade administrativa

Artigo 50º.-Responsabilidades.

A xunta de compensación responsabilizarase da entrega dos terreos de cesión nas condicións previstas á entidade administrativa, que deberán recibirse nun prazo non superior a tres meses desde a presentación do documento no rexistro xeral da Xerencia de Urbanismo do concello ou rexistro xeral do concello, segundo proceda, entendéndose recibidos en perfectas condicións se transcorrido o citado prazo a entidade administrativa non manifestase por escrito obxeccións, nin solicitase as modificacións oportunas, agás que falte por presentar documentación necesaria para a entrega ou a urbanización non respecte o proxecto de urbanización aprobado definitivamente polo concello, entendéndose nestes dous casos o sinalado silencio administrativo como negativo.

TÍTULO X

Bases de actuación e normas supletorias

Artigo 51º.-Bases de actuación.

Forman parte destes estatutos as adxuntas bases elaboradas conforme o disposto na Lei do solo de Galicia e Regulamento de xestión urbanística.

Artigo 52º.-Normas supletorias.

No non previsto nestes estatutos aplicarase o disposto na lexislación do solo e os seus regulamentos, e no que sexa analoxicamente aplicable a Lei de sociedades anónimas.

Sometese ó trámite de información pública polo prazo de vinte días, a través da súa publicación no BOP e DOG segundo o establecido no artigo 102 da Lei 1/1997, do 24 de marzo, do solo de Galicia, así como no seu Regulamento de xestión urbanística, significando que o prazo de exposición pública se entenderá aberto desde a primeira publicación ata o remate do mes contado desde o derradeiro anuncio.

A documentación do presente expediente atópase ó dispor do público en xeral na Oficina de Información Urbanística, na planta baixa da xerencia.

O presente anuncio servirá de notificación, nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos aqueles propietarios ou interesados directamente afectados que por resultaren descoñecidos ou ignorado o seu domicilio non poidan ser notificados persoalmente.

Vigo, 2 de outubro de 2001.

Lois Pérez Castrillo

Alcalde-presidente da Xerencia

Municipal de Urbanismo