O Pleno da Corporación, na sesión ordinaria do 14 de setembro de 2001, en relación co Plan Xeral de Ordenación Municipal, acordou o seguinte:
Someter a un novo período de información pública dun mes, mediante anuncio que se inserirá no DOG e nun dos xornais de maior circulación da provincia, o PXOM resultante de toda a tramitación, coa documentación validada polo equipo redactor con data do 7-9-2001, tendo en conta que algunhas das alegacións que se estimaron puideron modifica-lo citado documento respecto á cualificación dalgunha parte do solo.
A información levarase a cabo:
-Con carácter permanente na biblioteca pública Vidal Pazos en horario de 8 a 14.30 horas coa supervisión dun técnico e de 17 a 20 horas sen a presencia do dito técnico.
-No núcleo urbano de Seixo durante cinco días, no lugar e datas que se determine, ás que se lle dará publicidade na prensa e cun anuncio indicativo na biblioteca Vidal Pazos. A documentación que se expoña será a referente ó dito núcleo urbano.
-Nas parroquias do termo municipal exporanse os planos que lles afecten a cada unha delas no lugar e data que se determine e ó que se lle dará publicidade na prensa e cun anuncio indicativo na biblioteca Vidal Pazos.
Marín, 1 de outubro de 2001.
Antonio Santiago Fernández
Alcalde-presidente