Aprobado con carácter inicial por resolución da Alcaldía-Presidencia de data 15 de outubro de 2001, o estudio de detalle de iniciativa privada presentado por Alejandro Allegue Alvedro para o desenvolvemento da área de reparto I, (PNC-1) do vixente Plan Xeral de Ordenación Municipal, promovido por Pavea Plásticos, S.L. no lugar de Papellas, redactado polos arquitectos Miguel Ángel Abad e Antonio Deus, faise público ó abeiro dos artigos 34 e 44.3º da Lei 1/1997, do 24 de marzo, do solo de Galicia e 140 do Regulamento de planeamento urbanístico:
Primeiro.-Suspéndese o outorgamento de licencias de parcelación de terreos, edificación e demolición na zona delimitada polo estudio de detalle, polo prazo dun ano, se ben a dita suspensión extinguirase coa aprobación definitiva do estudio de detalle.
Segundo.-Sométese a información pública durante o prazo dun mes esta aprobación inicial, mediante anuncio publicado no Diario Oficial de Galicia, no BOP e nun xornal dos de maior tirada da provincia, para efectos de alegacións.
Ares, 15 de outubro de 2001.
José Manuel Cendán Fernández
Alcalde-presidente