O número 3 da base sexta a) da resolución da División de Recursos Humanos do Servicio Galego de Saúde do 20 de marzo de 2001 (DOG nº 63, do 29 de marzo) pola que se convoca concurso-oposición para o ingreso en determinadas categorías de persoal estatutario do Servicio Galego de Saúde, dispón que as datas de celebración das probas serán anunciadas no Diario Oficial de Galicia cun prazo mínimo de 7 días naturais de antelación.

Adoptado acordo polo tribunal da categoría de cociñeiro sobre o lugar, a data e a hora de realización do segundo exercicio da fase de oposición, procede agora darlle publicidade no DOG, facultándose para iso expresamente a esta División de Recursos Humanos do Servicio Galego de Saúde, polo que

RESOLVE:

Primeiro.-Convócanse os aspirantes que superaron o primeiro exercicio da fase de oposición na categoría de cociñeiros, para a realización do segundo exercicio da fase de oposición.

A dita proba práctica terá lugar nas datas 12, 13, 14, 15, 16, 19, 20, 21, 22 e 23 do mes de novembro en quendas de mañá e tarde.

Está publicada a distribución de aspirantes por datas e quendas nos taboleiros de anuncios dos servicios centrais e periféricos da Consellería de Sanidade e Servicios Sociais e do Sergas, nos centros de Xestión de Atención Primaria e Atención Especializada do organismo así como na páxina web do Servicio Galego de Saúde. A devandita distribución figura igualmente anexa.

En concreto, con respecto das probas correspondentes ó día 12 de novembro a distribución é a seguinte:

Ás 12.30 da mañá de Teijeiro Neira, María Carmen a Valencia López, José.

Ás 16 horas de Valiño Valiño, Josefa a Viñas Nión, Adrián.

Segundo.-Os aspirantes deberán presentarse en chamamento único e conforme a distribución e horario establecidos, no recibidor do Hospital Materno Infantil, As Xubias, s/n, da Coruña.

Recoméndase ós aspirantes que acudan provistos de vestimenta axeitada para a realización da proba práctica de cociña, se ben en caso contrario a dita vestimenta seralles proporcionada polo tribunal.

En todo caso, os aspirantes deberán acredita-la súa personalidade mediante a presentación do DNI, pasaporte ou permiso de conducir.

A cualificación dos aspirantes que superen a proba práctica farase pública unha vez teñan realizado este exercicio a totalidade dos aspirantes.

Terceiro.-Esta resolución poderá ser impugnada polos interesados nos termos previstos no punto 3 da base décima da citada convocatoria.

Santiago de Compostela, 25 de outubro de 2001.

Valeriano Martínez García

Director xeral da División de Recursos Humanos

ANEXO