Finalizado o proceso selectivo para o acceso ó corpo administrativo da Xunta de Galicia (grupo C) convocado pola Orde do 5 de xuño de 2000 (DOG nº 115, do 14 de xuño) e celebrado o día 24 de outubro de 2001 o acto previsto na a Orde do 17 de outubro de 2001 (DOG nº 203, do 19 de outubro),
Esta consellería, de conformidade co disposto na Lei 4/1988, do 26 de maio, da función pública de Galicia, no Decreto 95/1991 polo que se aproba o Regulamento de selección de persoal de Administración da Xunta de Galicia, demais normas concordantes e nas bases da convocatoria do devandito proceso selectivo,
DISPÓN:
Primeiro.-Nomear funcionarias do corpo administrativo da Xunta de Galicia (grupo C) as aspirantes que superaron o proceso selectivo ó corpo administrativo da Xunta de Galicia (grupo C) polo sistema
de acceso libre e que se relacionan no anexo desta orde, de acordo coa puntuación final obtida, e adxudicándolles, como destinos provisionais, os que figuran no anexo.
Segundo.-Para adquiri-la condición de funcionarias, as persoas ás que se refire o anexo desta orde deberán cumpri-los requisitos esixidos no artigo 45 da Lei 4/1988, do 26 de maio, da función pública de Galicia e tomar posesión do correspondente posto de traballo no prazo legalmente previsto.
Terceiro.-O prazo de toma de posesión comezará a computarse a partir do día seguinte ó da publicación desta orde no Diario Oficial de Galicia.
Contra a presente orde, que pon fin a vía administrativa, poderase interpoñer recurso potestativo de reposición perante esta consellería no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou poderase interpoñer directamente recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde a mesma data, de conformidade co establecido na Lei 29/1998, do 13 de xullo.
Santiago de Compostela, 25 de outubro de 2001.
Jaime Pita Varela
Conselleiro da Presidencia e Administración
Pública
ANEXO
Apelidos e nome DNI Código do posto Denominación do posto Concello Carácter
Losada Cruz, Margarita 32666330 EFC020000015770010 Posto base grupo C Santiago de Compostela Provisional
Tourón Torrado, Mª Rita 36059054 CUC060000115770010 Xefe de grupo Santiago de Compostela Provisional
Cancela Pereiro, Mª Natividad 33289926 CUC020000115770039 Xefe de grupo Santiago de Compostela Provisional