De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que a continuación se relaciona a proposta de resolución formulada pola instructora no expediente sancionador 35/13/01, por infracción en materia de defensa do consumidor xa que, intentada a notificación polos medios habituais, non puido practicarse.

O que se lle comunica de conformidade co disposto no artigo 19 do Real decreto 1398/1993, facéndolle saber que dispón dun prazo de quince días para examina-lo expediente no Servicio Provincial de Consumo de Pontevedra, situado na avenida de Vigo, 16, e formular alegacións e presenta-los documentos e informacións que considere convenientes.

Expediente: 36/13/01.

Inculpado: Rosa Mª Martínez Rey.

Enderezo: r/ San Roque, 3, 36600 Vilagarcía de Arousa (Pontevedra).

Motivos: incumprimento da normativa que regula as follas de reclamacións dos consumidores e usuarios e das normas reguladoras da venda en rebaixas.

Data do acordo de incoación: 10 de maio de 2001.

Alegacións á incoación: non presenta escrito no seu descargo.

Data de proposta de resolución: 20 de agosto de 2001.

Preceptos infrinxidos: artigos 13 e 15.1º da Lei 10/1988, do 20 de xullo, de ordenación do comercio interior de Galicia e artigo 1.2º e 3º do Decreto 357/1998, do 23 de decembro, polo que se regulan as follas de reclamacións dos consumidores e usuarios.

Precepto sancionador: artigo 34.6º da Lei 26/1984, do 19 de xullo, xeral para a defensa dos consumidores e usuarios e artigo 3.3.6º do Real decreto 1945/1983, do 22 de xuño, polo que se regulan as infraccións e sancións en materia de defensa do consumidor e da producción agroalimentaria.

Sanción: 100.000 pesetas.

Pontevedra, 13 de setembro de 2001.

Carmen Bianchi Valcarce

Delegada provincial do Instituto Galego de Consumo