Por orde da Consellería da Presidencia e Administración Pública do 23 de marzo de 2001, apróbanse as bases que rexerán as convocatorias de axu
das e bolsas correspondentes ó Programa de Apoio á Innovación do Plan Galego de Investigación e Desenvolvemento Tecnolóxico e se procede á súa convocatoria.
No punto 9 do anexo II da devandita orde establécese que o prazo de que dispoñen os beneficiarios de proxectos de investigación empresarial para achega-los documentos requiridos para proceder ó libramento das axudas correspondentes finaliza o 31 de outubro do exercicio correspondente á anualidade de que se trate.
Tendo en conta o atraso producido na resolución das devanditas axudas, motivado polo longo proceso de avaliación dos proxectos, considérase preciso amplia-lo prazo de xustificación dos investimentos realizados no ano 2001 polos beneficiarios destas axudas.
En consecuencia, no uso da atribución que me foi concedida,
DISPOÑO:
Artigo único.-Amplia-lo prazo de presentación dos xustificantes correspondentes ós investimentos do ano 2001 das axudas concedidas ó amparo do anexo II da Orde do 23 de marzo de 2001, da Consellería da Presidencia e Administración Pública, ata o día 23 de novembro de 2001.
Santiago de Compostela, 8 de outubro de 2001.
Jaime Pita Varela
Conselleiro da Presidencia e Administración Pública