Con posterioridade á publicación da dita orde percibiuse a necesidade de tramitar expedientes de gasto de carácter plurianual no período do 20 de outubro ó 31 de decembro, cando non existe proxecto de orzamento para aqueles gastos consecuencia de necesidades propias do normal funcionamento dos servicios.
En virtude do exposto,
DISPOÑO:
Artigo único.-Modifícase o texto do punto 2.2 do artigo 2º da Orde do 11 de febreiro de 1998, que quedará redactado da seguinte forma:
2.2. Os expedientes de contratación con varias anualidades poderán ser autorizados cando concorran as circunstancias previstas nos puntos 1.1, 1.2 e 1.3 do artigo 1º desta orde e, en todo caso, quedarán sometidos ós principios xerais de carácter orzamentario e, en particular, ó disposto no artigo 58 do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 25 de outubro de 2001.
José Antonio Orza Fernández
Conselleiro de Economía e Facenda