En virtude do establecido nos artigos 4.13º e 34.2º da Lei de Galicia 1/1983, do 22 de febreiro, reguladora da Xunta e do seu presidente, modificada pola Lei de Galicia 11/1988, do 20 de outubro, por proposta do conselleiro da Presidencia e Administración Pública e logo de deliberación do Consello da Xunta de Galicia na súa reunión do día vintecinco de outubro de dous mil un,
Nomeo a Aurelio Miras Portugal secretario xeral para as Relacións coas Comunidades Galegas da Xunta de Galicia.
Santiago de Compostela, vintecinco de outubro de dous mil un.
Manuel Fraga Iribarne
Presidente
Jaime Pita Varela
Conselleiro da Presidencia e Administración Pública