A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso, dos seguintes contratos de servicios:
1. Traslado dos fondos artísticos do Museo Arqueolóxico Provincial de Ourense.
-Orzamento de licitación: sete millóns cincocentas mil pesetas (7.500.000 pesetas, 45.075,91 euros) IVE incluído.
-Prazo de execución: un (1) mes.
-Garantía provisional: dispensada.
-Clasificación do contratista: non se esixe.
2. Traslado dos fondos bibliográficos e mobiliario do Museo Arqueolóxico Provincial de Ourense.
-Orzamento de licitación: oito millóns cincocentas mil pesetas (8.500.000 pesetas, 51.086,03 euros) IVE incluído.
-Prazo de execución: un (1) mes.
-Garantía provisional: dispensada.
-Clasificación do contratista: non se esixe.
3. Traslado dos fondos arqueolóxicos do Museo Arqueolóxico Provincial de Ourense.
-Orzamento de licitación: vinteseis millóns de pesetas (26.000.000 de pesetas, 156.263,15 euros) IVE incluído.
-Prazo de execución: corenta e cinco (45) días.
-Garantía provisional: dispensada.
-Clasificación do contratista: grupo III; subgrupo 9, categoría D.
Exposición da documentación: os pregos de cláusulas administrativas particulares e os proxectos de obras estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, de 10 a 14 horas, e no teléfono 981 59 99 24. Así mesmo, tamén se poderán obte-los pregos relativos a estas contratacións no seguinte enderezo da Internet:
http://www.xunta.es/contratacion/resultado.asp?N=
768.....traslado fondos artísticos.
http://www.xunta.es/contratacion/resultado.as?N=
769.....traslado fondos bibliográficos e mobiliario.
http://www.xunta.es/contratacion/resultado.asp?N=
770.....traslado fondos arqueolóxicos.
Prazo de presentación de proposicións: será ata as 14 horas do décimo quinto día natural, contado a partir do día seguinte ó da publicación da presente resolución no DOG.
Lugar de presentación de proposicións: no rexistro xeral da consellería, en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2º do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares. As empresas que licitan a máis dunha contratación deberán presentar toda a documentación (sobres A, B, C) para cada un dos contratos.
Apertura de proposicións: será realizada pola mesa de contratación ás 11 horas do sétimo día natural seguinte ó do remate do prazo de admisión do pro-
posicións, na sala de xuntas da Consellería de Cultura, Comunicación Social e Turismo.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio do presente concurso será por conta dos adxudicatarios.
Santiago de Compostela, 10 de outubro de 2001.
P.D. (Orde 15-12-1997)
Andrés González Murga
Secretario xeral da Consellería de Cultura, Comunicación Social e Turismo
