Jaime Balado Yáñez, secretario xudicial do Xulgado do Social número dous da Coruña, dá fe e testemuño de que nos autos seguidos perante este Xulgado do Social tramitados baixo o número 228/2001 por instancia de Antonio Casal Villar, contra INSS e outros sobre incapacidade derivada de accidente, se dictou a seguinte sentencia:
Na cidade da Coruña o 14 de setembro de 2001. Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 228/2001, seguidos por instancia de Antonio Casal Villar, maior de idade, asistido polo letrado Javier Baselga Elorz, contra o INSS, representando e asistido polo letrado Francisco Requejo Gutiérrez; a TXSS, que non comparece; Asepeyo Mutua, representada e asistida polo letrado
Luis González Deus; e a empresa Técnicas Constructivas Mato, S.L., que non comparece, sendo o obxecto da reclamación, incapacidade derivada de accidente.
Seguen feitos e fundamentos de dereito:
Decido que debo desestimar e desestimo a demanda interposta por Antonio Casal Villar contra o INSS, a TXSS, Asepeyo Mutua e a empresa Técnicas Constructivas Mato, S.L., absolvendo os codemandados dos pedimentos contidos na mesa.
Notifíqueselles esta resolución ás partes ás que se fará saber que a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, do que coñecerá no caso a Sala do Social do Tribunal Superior de Xustiza de Galicia tal como establece o artigo 188 do texto refundido da lei aprobado polo Real decreto lexislativo 2/1995, do 7 de abril.
Así, por eta miña sentencia, definitivamente xulgado en primeira instancia, pronúncioo, mandoo e asínoo.
E para que sirva de notificación á empresa Técnicas Constructivas Mato, S.L. mediante a súa publicación no Diario Oficial de Galicia, que ten o seu enderezo descoñecido, expido e asino a presente notificación na Coruña o 14 de setembro de 2001.
O secretario xudicial
Rubricado
