O Consello da Xerencia Municipal de Urbanismo, en sesión do 26 de abril de 2001, adoptou, entre outros, o seguinte acordo:
Primeiro.-Aprobar definitivamente o proxecto de urbanización da vía de enlace entre as rúas Aragón e Currás, así como a relación individualizada de bens e dereitos afectados pola execución do proxecto, presentado pola entidade mercantil Promociones Doralta, S.L., redactado polo enxeñeiro de camiños, canles e porto Alberto Moreno García e con visado colexial de datas 24-5-2000 e 26-7-2000 (expediente 4234/401).
Segundo.-Antes do inicio das obras e como condición suspensiva dos efectos do presente acordo de aprobación definitiva, a entidade promotora debe
rá presentar un aval polo 100% do orzamento das obras, que ascende a 27.709.234 pesetas, como garantía da súa execución.
Terceiro.-No momento inmediatamente anterior ó do inicio das obras, darase aviso á Oficina de Vías e Obras do concello para efectuar un seguimento destas e colaborar nos problemas que puidesen xurdir. Coa finalización dos traballos, e ó solicita-la súa recepción, facilitaráselle a esta Administración municipal o realmente executado en soporte informático.
Cuarto.-Publíquese o presente acordo no BOP e no DOG. Notifíqueselles ós interesados na forma legalmente establecida. Remítaselle unha copia do expediente ó departamento de vías e obras do concello.
Contra o devandito acordo que pon fín á vía administrativa poderán interpoñerse os seguintes recursos:
a) Potestativo de reposición ante o Consello da Xerencia Municipal de Urbanismo de Vigo no prazo dun mes a partir do día seguinte da publicación do presente anuncio.
b) Contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte o da publicación deste anuncio.
De conformidade co artigo 59 da Lei 30/1992, do 26 de novembro, LRXAP-PAC, por medio do presente anuncio, notifícase o acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.
Vigo, 18 de maio de 2001.
Lois Pérez Castrillo
Alcalde-presidente da Xerencia Municipal de Urbanismo
