O Pleno da Corporación, en sesión de vinteoito de xullo de dous mil un, prestou aprobación inicial ó proxecto denominado de modificación puntual do Plan Xeral de Ordenación Urbana de Pontevedra para recualificación de predio singular en Santa Margarida-Mourente, en execución do convenio urbanístico subscrito o 24-1-2001 pola Alcaldía e os señores Puig Pérez Quevedo e Puig Otero, que foi aprobado polo Pleno da Corporación o 27 dese mes, sendo o documento de ordenación de modificación do PXOU formulado por esta Administración municipal e composto do exemplar redactado polo arquitecto xefe da Oficina Técnica Municipal de Planeamento e Xestión en data xaneiro 2001 e do informe aclaratorio ó informe inicialmente emitido polo conselleiro de Política Territorial, Obras Públicas e Vivenda da Xunta de Galicia do 26-4-2001, dispoñéndose o sometemento a información pública.

Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar no Servicio de Urbanismo, Medio Ambiente e Patrimonio Histórico deste concello (rúa Churruchaos) a documentación inicialmente aprobada e formula-las alegacións que coide pertinentes.

Pontevedra, 11 de setembro de 2001.

Julio Dapena Outomuro

Secretario xeral

P.D.

Xosé Cesáreo Mosquera Lorenzo

Tenente alcalde delegado da Área de Urbanismo

e Medio Ambiente