Neste organismo autónomo, Augas de Galicia, presentouse a petición de outorgamento de concesión e autorización administrativas para a instalación dun aproveitamento hidroeléctrico nun tramo libre do río Tambre, cos proxectos das obras e instalacións e estudio de impacto ambiental correspondentes.

No anexo que se inclúe máis abaixo transcríbese o peticionario do aproveitamento solicitado, onde figuran os datos máis relevantes e unha breve descrición das obras que se executarán.

Co presente anuncio, para dar cumprimento ó disposto no artigo 109 do Real decreto 849/1986, do 11 de abril, polo que se aproba o Regulamento do dominio público hidráulico; e no artigo 5.2º do Decreto 442/1990, do 25 de setembro, sométese de forma simultánea, ó trámite de información pública, no uso das facultades conferidas polo Decreto 63/1997, do 14 de marzo, a petición e a documentación técnica e ambiental, para os efectos do seu coñecemento xeral, co fin de que aquelas persoas que se consideren afectadas nos seus dereitos poidan formular, por escrito, cantas alegacións coiden procedentes (indicando a clave do concurso sinalada no encabezamento), ante o rexistro xeral do Organismo Autónomo Augas de Galicia -praza Camilo Díaz Valiño, 7-9, 15781 Santiago de Compostelae dentro do prazo improrrogable de trinta (30) días hábiles.

O prazo comezará a contarse a partir do día seguinte ó da data da última das publicacións que corresponden facer da presente resolución no Diario Oficial de Galicia e no BOP da Coruña. Transcorrido o dito período de tempo non se admitirá ningún escrito.

Os que se consideren interesados terán, para efectos informativos, á súa disposición unha copia da petición e da documentación técnica e estudio ambiental para que poidan ser examinados nas seguintes dependencias administrativas:

* Proxectos das obras constitutivas do aproveitamento:

-Augas de Galicia-Demarcación Centro: praza Camilo Díaz Valiño (estación de autobuses), Santiago de Compostela (A Coruña).

-Dirección Xeral de Calidade e Avaliación Ambiental: r/ Feáns, 1-3, 15706 Santiago de Compostela (A Coruña).

-Concello do Pino: rúa O Pedrouzo-Arca, 15821 O Pino.

-Concello de Oroso: rúa O Xuncal-Sigüeiro, 15884 Oroso.

* Estudio de impacto ambiental do proxecto:

-Augas de Galicia-Demarcación Centro: praza Camilo Díaz Valiño (estación de autobuses), Santiago de Compostela (A Coruña).

-Dirección Xeral de Calidade e Avaliación Ambiental: r/ Feáns, 1-3, 15706 Santiago de Compostela (A Coruña).

-Concello do Pino: rúa O Pedrouzo-Arca, 15821 O Pino.

-Concello de Oroso: rúa O Xuncal-Sigüeiro, 15884 Oroso.

Santiago de Compostela, 12 de setembro de 2001.

Agustín Hernández Fernández de Rojas

Presidente de Augas de Galicia

ANEXO

Relación de peticionarios

Peticionario e promotor: Minicentrales Pontecarneiro, S.L.

Enderezo: r/ Cantón Grande, nº 6-1º, 15003 A Coruña.

Denominación do aproveitamento: central de Pontecarneiro.

-Os aspectos máis destacados son:

Obxecto: producción de enerxía eléctrica.

Caudal máximo derivado: 20.000 l/sg.

Corrente de derivación: río Tambre (cota normal de encoro: 256,50 m).

Corrente de restitución: río Tambre (cota de finalización: 248,00 m).

Desnivel (salto bruto): 8,50 m.

Altura desde o leito ata o aliviadoiro: 8,50 m.

Potencia xeradores: 848,00 e 280,00 kW respectivamente.

Concellos onde radican a toma e demais obras: O Pino e Oroso (A Coruña).

-Breve descrición das características principais das obras e instalacións:

Presa: proxectouse un azude de gravidade á cota de leito 248,00 msnm, situando o aliviadoiro á cota 256,50 msnm. A captación de augas faise na marxe esquerda dispoñéndose nela unha reixa de protección. Instalaranse dous desaugadoiros de fondo de 1 m de diámetro. A capacidade estimada do azude é de 760.000 m.

Tubaxe forzada: instalarase unha tubaxe de 2,50 m de diámetro e 6 m de espesor que irá embebida no formigón do azude ata a sala de máquinas. Alí bifurcarase en dúas tubaxes de 2,50 e 1,50 m de diámetro que alimentará a cada turbina. É unha tubaxe de aceiro ó carbono.

Central: a central construirase integrada no propio corpo do azude, de tal xeito que a súa cimentación e máis a das turbinas se integrará co estribo do azude.

Equipos electromecánicos: a central irá equipada con dúas turbinas Kaplan. Acoplados ó eixe rápido do multiplicador de velocidade irán dous xeradores síncronos para montaxe vertical cunha potencia en bornas de 1.060 e 350 KVA respectivamente.

-Afeccións:

Non se efectúa a solicitude de declaración de utilidade pública do aproveitamento.

-Estudios de impacto ambiental:

Este documento presentouse conforme a normativa aplicable.