Pola Orde do 5 de xuño de 2000 (DOG nº 115, do 14 de xuño), convocouse proceso selectivo para o acceso ó corpo administrativo da Xunta de Galicia (grupo C), sendo nomeados como funcionarios en prácticas a través da Resolución do 28 de xuño de 2001 (DOG nº 126, do 29 de xuño; corrección de erros DOG nº 137, do 16 de xullo).
Unha vez publicados polo correspondente tribunal os resultados obtidos no curso selectivo e co obxecto de que os aspirantes que superaron o dito proceso selectivo polo sistema de acceso libre accedan á condición de funcionarios coa maior brevidade, esta consellería
DISPÓN:
Convoca-los aspirantes que superaron o proceso selectivo polo sistema de acceso libre ó corpo administrativo da Xunta de Galicia (grupo C), para a elección de destino provisional, en único chamamento, na sala B da Consellería da Presidencia e Administración Pública o día 24 de outubro, ás 11 horas, podendo elixir, segundo a orde acadada no proceso selectivo, entre os postos que se relacionan no anexo desta orde, sempre que reúnan as condicións esixidas nel.
Os aspirantes deberán ir provistos de DNI ou outro documento que acredite fidedignamente a personalidade.
Os aspirantes que non comparezan persoalmente poderán ser representados por terceiras persoas con poder notarial suficiente.
Ós aspirantes que non comparezan persoalmente ou por medio de representantes, seranlles adxudicadas en destino provisional as prazas que lles corresponden atendendo á orde de publicación destas e ó número obtido no proceso selectivo, unha vez concluído o proceso de adxudicación das prazas ós aspirantes presentes ou representados, e entre as que quedaron sen adxudicar.
Santiago de Compostela, 17 de outubro de 2001.
Jaime Pita Varela
Conselleiro da Presidencia
e Administración Pública
ANEXO
Relación de postos de traballo vacantes do grupo C
Corpo administrativo da Xunta de Galicia
Nº Código do posto Denominación Nivel Consellería Centro de destino Concello
1 EFC020000015770010 Posto base grupo C 14 Economía e Facenda Secretaría xeral Santiago de Compostela 2 EFC020000115770037 Xefe de grupo de información ó cidadán 14 Economía e Facenda Vicesecretaría xeral técnica Santiago de Compostela 3 EFC040000015770034 Xefe de grupo 14 Economía e Facenda Dirección Xeral de Tributos Santiago de Compostela 4 CUC020000115770039 Xefe de grupo 14 Cultura, Comunicación Social e Turismo Secretaría Xeral de Coordinación Administrativa e Xestión Orzamentaria Santiago de Compostela 5 CUC060000115770010 Xefe de grupo 14 Cultura, Comunicación Social e Turismo Secretaría Xeral de Ordenación do Turismo Santiago de Compostela