De conformidade co establecido no artigo 42.1º da Lei 1/1997, do solo de Galicia e 128 do Regulamento de planeamento faise público que o Concello Pleno, en sesión celebrada o 17 de setembro de 2001 prestou aprobación inicial ó Plan Xeral de Ordenación Municipal. O expediente de referencia queda sometido a información pública durante o prazo dun mes, contado desde o día seguinte ó da publicación do último dos anuncios oficiais, durante o dito período as persoas interesadas poderán examinalo nas oficinas municipais e presenta-las alegacións que estimen oportunas.

Por outra banda e segundo o disposto nos artigos 34 da Lei do solo de Galicia e 120 do Regulamento de planeamento no devandito acordo plenario declarouse a suspensión do outorgamento de licencias urbanísticas en todo o termo municipal agás as referidas a aquelas obras menores que non contradigan as determinacións do planeamento en tramitación.

Ribadeo, 18 de setembro de 2001.

José Carlos Rodríguez Andina

Alcalde