Por resolucións do secretario xeral, actuando no nome do conselleiro da Presidencia e Administración
Pública, por delegación de competencias, segundo a Orde do 22 de febreiro de 1999, resolveuse adxudica-los seguintes contratos:
-Contratación dunha asistencia técnica para o desenvolvemento e implantación do portal dos Concellos de Galicia (Eido Local), convocada mediante concurso público por procedemento aberto, por resolución da Consellería da Presidencia e Administración Pública, do 4 de xullo de 2001, publicada no Diario Oficial de Galicia do día 20 de xullo do presente ano.
Adxudicatario: Altia Consultores, S.L.
Importe: 34.950.000 pesetas, IVE incluído.
-Contratación do servicio de mantemento dos equipos informáticos da Xunta de Galicia, convocado mediante concurso público, procedemento aberto, por resolución da Consellería da Presidencia e Administración Pública, do 26 de xuño de 2001, publicada no Diario Oficial de Galicia do 4 de xullo do presente ano.
Adxudicatario: Unisys España, S.A.
Importe: 79.532.580 pesetas, IVE incluído.
Santiago de Compostela, 19 de setembro de 2001.
P.D. (Orde 22-2-1999)
Pablo Figueroa Dorrego
Secretario xeral da Consellería da Presidencia e
Administración Pública