Obxecto: selección da mellor proposta, a nivel de anteproxecto, para adecuación do mercado de abastos ás novas necesidades, co fin de que o equipo gañador redacte un proxecto básico de rehabilitación do edificio que faga as veces de plan director nas futuras intervencións.
O orzamento máximo de execución material necesario para desenvolve-las propostas non pode supera-los seiscentos millóns de pesetas (600.000.000 de pesetas).
Concursantes: poderán participar aquelas persoas naturais ou xurídicas, nacionais ou estranxeiras que teñan plena capacidade de obrar e adecuación da súa actividade ou finalidade ó obxecto do contrato, non se atopen incursas nalgunha das prohibicións para contratar coa Administración recollidas no artigo 20 do TRLCAP.
Documentación que hai que presentar: é a sinalada na cláusula 5 do prego de bases.
Admisión e data de presentación: poderán participar no concurso de ideas todas aquelas propostas que sexan presentadas no rexistro xeral do concello no prazo de sesenta días naturais desde a última publicación destas bases no BOP e no DOG e cumpran co resto das bases do concurso.
As propostas irán dirixidas ó alcalde do concello e serán recoñecibles polo lema «Concurso de ideas para a remodelación da praza de abastos».
Premio: o xurado outorgará un primeiro premio que facultará o gañador para a adxudicación da asistencia técnica consistente na redacción do proxecto básico das obras.
Así mesmo outorgaranse dous accésit de 500.000 pesetas cada un.
Consulta e documentación: Concello de Santiago de Compostela. Servicio de Contratación e Servicios Comunitarios. R/ Raxoi s/n. Teléfono: 981 54 31 64.
Santiago de Compostela, 19 de setembro de 2001.
O alcalde
Rubricado