Resolución do Concello de Ramirás pola que se anuncia a contratación da obra de acceso a Quinta-Grixó-Escudeiros, por procedemento aberto e concurso.
De conformidade co disposto no artigo 79 da LCAP anúnciase concurso, polo procedemento aberto, para adxudica-la obra de acceso a Quinta-Grixó-Escudeiros, conforme o seguinte contido:
1. Obxecto do contrato. Obra: acceso a Quinta-Grixó-Escudeiros, segundo proxecto do enxeñeiro técnico de Obras Públicas Jesús Iglesias Iglesias.
2. Duración do contrato: cinco meses.
3. Tipo de licitación: 15.000.000 de pesetas.
4. Pagamento: o pagamento do prezo de adxudicación farase efectivo con cargo á partida do orzamento vixente.
5. Publicidade dos pregos. Estarán de manifesto tódolos días hábiles nas oficinas municipais.
6. Garantía provisional. Será do 2% do tipo de licitación, equivalente a 300.000 pesetas.
7. Exposición do prego de cláusulas administrativas particulares: durante os oito primeiros días hábiles seguintes ó da publicación deste anuncio; suspenderase a licitación en caso de impugnación.
8. Garantía definitiva: o 4% do orzamento de adxudicación, que será de 600.000 pesetas.
9. Presentación de proposicións: ata as trece horas do décimo terceiro día natural contados desde a última das publicacións deste anuncio no BOP ou no Diario Oficial de Galicia.
10. Apertura de proposicións: ás dezasete horas do segundo día hábil (agás sábado) seguinte a aquel no que remate o prazo para a presentación de proposicións, en acto público, no salón de sesións da casa do concello.
11. Modelo de proposición: o recollido na cláusula 9 do prego.
12. Criterio de selección: maior aumento de obra ofertado polo licitador.
Ramirás, 10 de setembro de 2001.
Pilar López García
Alcaldesa