Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: recuamento en M.T. en San Pedro de Leixa.

Situación: Ferrol.

Descricións técnicas: liña eléctrica aéreo-subterránea de media tensión a 20 kV, instalándose: -apoio metálico e conductor LA-110, de 16 m de lonxitude, coa orixe na liña de dobre circuíto Santa Mariña-Freixeiro e remate en paso aéreo-subterráneo. -Tramo subterráneo, baixo tubo, con conductor R.H.V. 12/20 kV de 3x(1x240) mm Al, de 640 m de lonxitude e remate na mesma liña en inmediacións do Hospital Arquitecto Marcide, no concello de Ferrol.

Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente ó seu dereito.

A Coruña, 4 de setembro de 2001.

Jesús Espada Martínez

Delegado provincial da Coruña