O artigo 5, punto 2 do Decreto 442/1990, do 13 de setembro (DOG número 188 do 25 de setembro), dispón que o órgano substantivo someterá o estudio de impacto ambiental ó trámite de información pública, durante trinta días hábiles, mediante anuncio no Diario Oficial de Galicia.
Na súa virtude
RESOLVO:
Primeiro.-Someter a información pública, no prazo de trinta días hábiles, contados a partir da publicación da presente resolución, o estudio de impacto ambiental do proxecto de liña de alta tensión a 220 kV subestación Pazos L.A.T. Atios/Mos, que se vai realizar nos municipios de Mos, Redondela e Pazos de Borbén (Pontevedra), promovido pola empresa Unión Fenosa Distribución, S.A.
Segundo.-Para os correspondentes efectos informativos, poranse á disposición dos administrados exemplares nas seguintes dependencias:
-Dirección Xeral de Industria.
-Delegación Provincial da Consellería de Industria e Comercio de Pontevedra.
-Concellos de Mos, Redondela e Pazos de Borbén.
Terceiro.-As alegacións, dirixidas ó director xeral de Industria formularanse durante o devandito prazo de trinta días e serán presentadas en calquera das oficinas que establece o artigo 38.4º da Lei 30/1992,
do 26 de novembro, de réxime xurídico das administracións públicas e do procedemento administrativo común.
Santiago de Compostela, 31 de agosto de 2001.
Ramón Ordás Badía
Director xeral de Industria