A Comisión de Goberno, en sesión celebrada o 24 de agosto de 2001, adoptou, entre outros, o seguinte acordo:
Primeiro.-Aprobar inicialmente o proxecto de urbanización presentado pola Xunta de Compensación do POL F6.02, praza Porticada I, coas condicións, que deberán ser emendadas mediante a presentación dun texto refundido para a aprobación definitiva do documento, que se indican no informe emitido polo enxeñeiro municipal.
Segundo.-Expoñe-la información pública polo prazo dun mes, anunciándose así no Diario Oficial de Galicia e na prensa.
Terceiro.-Notificar á Xunta de Compensación.
O que se fai público para xeral coñecemento, co fin de que á vista do expediente se poidan formula-las alegacións que se consideren pertinentes durante o prazo dun mes contado a partir do día seguinte ó da publicación deste anuncio no Diario Oficial de Galicia. O expediente pode consultarse na Oficina de Planeamento do Servicio de Urbanismo, en horario laboral das 12 ás 14 horas, de luns a venres.
Os gastos desta publicación correrán por conta do seu promotor.
A Coruña, 6 de setembro de 2001.
Salvador Fernández Moreda
Concelleiro delegado de Urbanismo