Aprobado polo Pleno deste concello, en sesión do 14 de setembro do ano que corre, o prego de cláusulas administrativas particulares que rexerán o concurso de recolla e transporte de residuos sólidos urbanos e limpeza viaria, anúnciase concurso público, aínda que a licitación se aprazará cando resulte necesario, no suposto de que se formulen reclamacións contra o expresado prego.

Cadro de características do contrato.

1. Obxecto do concurso. A adxudicación mediante concesión administrativa, mediante concurso con procedemento aberto, polo trámite de urxencia, para a xestión do servicio de recolla de residuos sólidos urbanos (lixo) e o seu transporte á ecoplanta de Barreiros, así como o servicio de limpeza viaria, espacios públicos (incluídas praias na tempada de verán), áreas recreativas e a xestión do punto limpo, cumprindo as directrices do anexo do convenio subscrito entre a Xunta de Galicia e este concello.

2. Tipo de licitación. Non se fixa.

3. Duración do contrato. 15 anos, que poden ser prorrogables por quinquenios sucesivos, ata o máximo que permita a lei.

4. Lugar de presentación de proposicións. Rexistro xeral do Concello de Burela, rúa Pardo Bazán nº 6.

5. Prazo de presentación de proposicións. 13 días naturais contados a partir da última publicación deste anuncio no BOP ou no DOG.

6. Garantías. Provisional: 2.000.000 de pesetas; definitiva: 4% do importe da adxudicación.

7. Criterios de selección para adxudicación do concurso. Os sinalados no prego de cláusulas administrativas.

8. Modelo de proposicións. O sinalado no prego de cláusulas administrativas.

Burela, 21 de setembro de 2001.

P.D.F. (Resolución Alcaldía 8-9-1999)

Cristóbal Edrosa Fernández

Segundo tenente de alcalde