O Consello da Xerencia Municipal de Urbanismo, en sesión do día 26 de xullo de 2001, adoptou, entre outros, o seguinte acordo:
Primeiro.-Aprobar inicialmnete o Plan parcial de Baruxáns, na parroquia de Bembrive (nº de expediente 5823/411), presentado pola Asociación de Propietarios de PAU Baruxáns, e redactado polos arquitectos María Asunción Leboreiro Amaro e Javier Alonso Davila, con documentación técnica con visados do COAG de datas 23-2-200, 10-7-2000 e 24-7-2001.
Segundo.-Con anterioridade á aprobación definitiva do expediente proceder á corrección dos extremos postos de manifesto no informe técnico da Oficina de Planeamento e Xestión da Xerencia, relativos a:
1. Expresar claramente que a parcelación que figura no plan parcial é a título indicativo, eliminando da memoria do plan parcial precisións ó sistema de compensación, que deberá rexerse unicamente polo indicado na lei (páxina 26, 3º e 4º parágrafo, p, punto 1.5 da memora, páxinas 40 e 41, e plano p-05).
2. No punto D.8 da memoria establecer que a propiedade deberá sumi-lo mantemento dos novos espacios libres e verdes cedidos, de conformidade co disposto no punto 3.2.3.5.b) in fine do vixente PXOU 93, así como a obriga de establecer unha garantía polo 100% do orzamento da obra, con motivo do proxecto de urbanización.
Terceiro.-Procédase á apertura do trámite de información pública por prazo dun mes mediante anuncio que se publicará no DOG e nun dos xornais de maior circulación provincial e notificación individual ós propietarios do sector, na forma legalmente prevista.
O prazo de exposición entenderase aberto desde a primeira publicación ata o remate do mes contado desde o derradeiro anuncio. A documentación atópase na Oficina de Información da Xerencia Municipal de Urbanismo ó dispor do público.
Este anuncio servirá de notificacións nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.
Vigo, 7 de setembro de 2001.
Lois Pérez Castrillo
Alcalde presidente da Xerencia Municipal
de Urbanismo de Vigo