Aprobada na sesión plenaria do día 4 de maio de 2001 con carácter definitivo a modificación puntual do Plan Xeral de Ordenación Municipal de Ares no ámbito do PNC-11, previo informe preceptivo e vinculante emitido en sentido favorable polo conselleiro de Política Territorial, Obras Públicas e Vivenda con data do 14 de marzo de 2001, de conformidade co disposto no artigo 48, parágrafo 2 da Lei 1/1997, do 24 de marzo, do solo de Galicia en relación co 70.2º da Lei 7/1985, do 2 de abril, reguladora das bases do réxime local, na redacción dada pola Lei 39/1994, do 30 de decembro, procédese a facer pública a dita aprobación.

Contra o presente acordo poderase interpor recurso contencioso-administrativo no prazo de dous meses contados desde o día seguinte ó desta publicación (artigo 46 da Lei 29/1998, do 13 de xullo, reguladora da xurisdicción contencioso-administrativa) perante o Xulgado do Contencioso-Administrativo de Ferrol ou diante do Tribunal Superior de Xustiza de Galicia -sala do contencioso-administrativo- (segundo a distribución competencial establecida polos artigos 8 e 10 da Lei 29/1998, do 13 de xullo, reguladora da xurisdicción contencioso-administrativa), advertíndolle que tamén poderá utilizar calquera outro recurso que estime pertinente a exerce-las accións que procedan perante a xurisdicción competente.

Ares, 14 de setembro de 2001.

José Manuel Cendán Fernández

Alcalde-presidente