Por orde da Consellería de Educación e Ordenación Universitaria do 1 de marzo de 2001 (DOG do 19 de marzo), convocáronse axudas para alumnos e profesores de centros públicos docentes da Comunidade Autónoma de Galicia sostidos con fondos públicos que participen en estadías e intercambios con centros educativos doutros países para favorece-la aprendizaxe activa de linguas.
Vista a proposta da comisión de selección prevista no artigo 7 da citada orde,
RESOLVO:
Primeiro.-Conceder, con cargo ó concepto orzamentario 07.04.322T.480.0 da Dirección Xeral de Ordenación Educativa e Formación Profesional, as axudas que se relacionan no anexo I, que se presentaron no segundo prazo establecido (ata o 30 de abril), punto quinto.1 do DOG do 19 de marzo de 2001, por importe total de 13.650.200 pesetas.
Segundo.-Recoller no anexo II as renuncias presentadas.
Terceiro.-De acordo co artigo 9 da orde de convocatoria as axudas serán aboadas da seguinte forma:
Para as axudas que non superen o importe de 1.000.000 de pesetas, no momento da concesión poderá acordarse un anticipo de pagamento de ata un 80%, logo de aceptación da subvención. O 20% restante librarase unha vez rematada a actividade e logo da súa completa xustificación económica por parte do centro e entrega da memoria de actividades, achegando certificación respecto da percepción ou non doutras axudas e subvencións para a mesma finalidade, para efectos do disposto no artigo 78.3º
da Lei 11/1992, do 7 de outubro, de réxime financeiro e presupostario de Galicia. Nas axudas que superen esta cantidade o pagamento realizarase integramente unha vez rematada e xustificada a actividade.
Cuarto.-De acordo coa normativa vixente, os beneficiarios quedan obrigados a:
1. Acepta-la axuda concedida. Neste sentido, se no prazo de quince días, contados a partir da recepción da comunicación pola que se notifica a concesión da axuda, o centro beneficiario non a acepta, entenderase que renuncia á súa percepción.
2. Facilita-la información requirida e someterse ás accións de comprobación ou control financeiro que poida efectua-la Consellería de Educación e Ordenación Universitaria e os organismos competentes.
3. Xustifica-lo correcto investimento das axudas recibidas, mediante a presentación da seguinte documentación:
3.1. Memoria.
Os centros beneficiarios enviarán unha memoria das actividades realizadas que inclúe:
a) Resumo do desenvolvemento da actividade realizada.
b) Obxectivos conseguidos.
c) Procedemento de avaliación utilizado, resultados obtidos e difusión que se realizou destes.
A memoria estará acompañada dunha certificación do director do centro no que se faga consta-lo nome e número de DNI do profesor responsable do proxecto e dos profesores que o acompañaron na viaxe. Igualmente engadirase unha certificación de ter ou non ter subvención ou axuda para a mesma finalidade procedente de calquera outra Administración ou ente público.
3.2. Xustificación de gastos efectuados.
Os centros educativos enviarán unha certificación do Consello Escolar do centro aprobatoria do gasto, xuntando unha relación detallada dos gastos efectuados, así como unha certificación de ter ou non ter subvención ou axuda para a mesma finalidade procedente de calquera outra Administración ou ente público.
Quinto.-Contra a presente orde os interesados poderán interpoñer recurso potestativo de reposición, ante o conselleiro de Educación e Ordenación Universitaria no prazo dun mes, contado a partir do día seguinte ó da súa publicación no Diario Oficial de Galicia, segundo o disposto na Lei 4/1999 (BOE do 14 de xaneiro), ou ben directamente o recurso contencioso-administrativo no prazo de dous
meses ante o Tribunal Superior de Xustiza de Galicia.
Disposicións derradeiras
Primeira.-Autorízase a Dirección Xeral de Ordenación Educativa e Formación Profesional a dictar tantas disposicións sexan precisas para o desenvolvemento correcto desta orde.
Segunda.-A presente resolución entrará en vigor ó día seguinte á súa publicación no Diario Oficial de Galicia.
Santiago de Compostela, 20 de agosto de 2001.
Celso Currás Fernández
Conselleiro de Educación e Ordenación
Universitaria
ANEXO I
AXUDAS CONCEDIDAS
TIPO DE ACCIÓN CENTRO ESCOLAR LOCALIDADE CONCEDIDA DESTINO
AXUDA
PAÍS DE
INTERCAMBIO IES XELMÍREZ I SANTIAGO DE COMPOSTELA 740.000 FRANCIA
INTERCAMBIO IES XELMÍREZ II SANTIAGO DE COMPOSTELA 740.000 FRANCIA
INTERCAMBIO IES SOFÍA CASANOVA FERROL 2.010.000 FRANCIA
INTERCAMBIO IES EDUARDO PONDAL SANTIAGO DE COMPOSTELA 940.000 FRANCIA
INTERCAMBIO IES JOHAN CARBALLEIRA BUEU 660.000 FRANCIA
INTERCAMBIO IES XELMÍREZ I SANTIAGO DE COMPOSTELA 1.060.000 FRANCIA
INTERCAMBIO IES SÁNCHEZ CANTÓN PONTEVEDRA 1.810.000 FRANCIA
INTERCAMBIO CEIP SANTA RITA GALDO 1.060.000 ALEMAÑA
VISITA DE ESTUDIO CEIP SANTA RITA GALDO 150.000 FINLANDIA
INTERCAMBIO IES FRANCISCO AGUIAR BETANZOS 910.000 AUSTRIA
INTERCAMBIO IES PRIMEIRO DE MARZO BAIONA 1.260.000 ITALIA
INTERCAMBIO IES DE TEIS VIGO 980.000 FRANCIA
INTERCAMBIO IES A XUNQUEIRA 2 PONTEVEDRA 1.330.200 FRANCIA
ANEXO II
RENUNCIAS
TIPO DE ACCIÓN CENTRO ESCOLAR LOCALIDADE
VISITA PREPARATORIA CEIP SANTA RITA GALDO