O Concello de Ourol, en sesión celebrada o día 5 de febreiro de 2000, aprobou o proxecto de mellora do camiño local de Belsar a Viveiró e Juan Blanco e na mesma sesión, acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa.
Por parte do concello foi remitida a documentación complementaria para a correcta tramitación do expediente con data de entrada no rexistro xeral da Consellería de Xustiza, Interior e Relacións Laborais o día 20 de agosto de 2001.
Os bens nos que se concreta a declaración de urxente ocupación están determinados no expediente que se someteu a información pública.
A Dirección Xeral de Urbanismo da Consellería de Política Territorial, Obras Públicas e Vivenda emitiu informe favorable. O dito informe tivo entrada no rexistro xeral da Consellería de Xustiza, Interior e Relacións Laborais o día 3 de xullo de 2000.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, porque segundo sinala o concello preténdese solventa-los continuos problemas de tráfico rodado e de circulación de peóns que vén experimentando esa vía local como consecuencia da súa estreiteza e falta de visibilidade e por outra banda dotala dos servicios de abastecemento, augas, rede de sumidoiros e luz pública.
A competencia para a declaración da urxente ocupación correspóndelle ó Consello da Xunta de Galicia segundo o disposto nos artigos 27.2º e 28.2º do Estatuto de autonomía de Galicia.
Na súa virtude, por proposta do conselleiro de Xustiza, Interior e Relacións Laborais e logo de deli
beración do Consello da Xunta de Galicia na súa reunión do día sete de setembro de dous mil un,
DISPOÑO:
Artigo único.-De conformidade co disposto no artigo 52 da Lei de expropiación forzosa, o Concello de Ourol declara a urxente ocupación para efectos de expropiación forzosa, dos bens e dereitos concretados no expediente administrativo instruído para o efecto e necesario para a execución das obras do proxecto de mellora do camiño local de Belsar a Viveiró e Juan Blanco.
Santiago de Compostela, sete de setembro de dous mil un.
Manuel Fraga Iribarne
Presidente
Antonio Pillado Montero
Conselleiro de Xustiza, Interior e Relacións Laborais
