A Comisión de Goberno, en sesión que tivo lugar o 14 de setembro de 2001, adoptou o seguinte acordo:

«Primeiro.-Resolve-las alegacións presentadas por José Quiroga López, Avelino López Camba, José Luis Rodríguez Pardo e Mª Josefa Pombo García, no sentido do informado.

Segundo.-Aprobar definitivamente o cambio de sistema na obtención de solo afectado polo sistema xeral viario VG-01 e sistema xeral viario VG-S1.01, de expropiación e cesión gratuíta do sector 1, respectivamente, polo de ocupación directa.

Terceiro.-Notifica-los interesados».

O que se publica para xeral coñecemento, indicando que contra este acordo cabe interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde o día seguinte ó da súa publicación. Non obstante, pode interpoñerse recurso potestativo de reposición ante a Comisión de Goberno no prazo dun mes, e contra a súa desestimación poderá interpoñerse recurso contencioso-administrativo ante o TSXG no prazo de dous meses, se a resolución fose expresa, e, noutro caso, no de seis meses contados desde a desestimación presunta do recurso de reposición, isto é, a partir do mes de telo interposto.

Esta publicación producirá tamén os efectos previstos no artigo 59.4º da Lei 30/1992, de réxime xurídico das administracións públicas e do procedemento administrativo común, para aqueles supostos de interesados ós que non poida serlles practicada a notificación persoal.

O expediente completo poderá ser consultado nas dependencias do Servicio de Urbanismo, sitas na avda. da Mariña, nº 18, de luns a venres, das 12 ás 14 horas.

A Coruña, 19 de setembro de 2001.

P.D.

Salvador Fernández Moreda

Concelleiro delegado de Urbanismo