Examinado o expediente instruído por instancia do centro privado María Auxiliadora de Ourense, solicitando modificación das ensinanzas que ten autorizadas, que son as seguintes: 18 unidades de educación primaria, 12 unidades de educación secundaria obrigatoria e 6 unidades de bacharelato das modalidades de ciencias da natureza e da saúde, humanidades e ciencias sociais e tecnoloxía, segundo a Orde do 13 de decembro de 2000 (DOG do 15 de xaneiro de 2001).
Segundo a solicitude presentada, o dito centro pretende ter autorizadas as seguintes ensinanzas: 6 unidades de educación infantil, 18 unidades de educación primaria, 12 unidades de educación secundaria obrigatoria e 6 unidades de bacharelato das modalidades de ciencias da natureza e da saúde, humanidades e ciencias sociais e tecnoloxía.
Tendo en conta que o expediente foi tramitado pola Delegación Provincial da Consellería de Educación e Ordenación Universitaria de Ourense, que se remite cos informes correspondentes.
Vistos o Real decreto 1004/1991, do 14 de xuño (BOE do 26 de xuño), polo que se establecen os requisitos mínimos dos centros que imparten ensinanzas de réxime xeral non universitarias; Decreto 133/1995, do 10 de maio (DOG do 22 de maio), e a Orde do 20 de setembro de 1995 (DOG do 15 de decembro), que desenvolve o dito decreto.
Considerando que concorren no expediente os requisitos esixidos nas disposicións vixentes para poder acceder ó solicitado.
Esta consellería, por proposta da Dirección Xeral de Centros e Inspección Educativa,
DISPÓN:
Primeiro.-Autorizarlle a modificación de ensinanzas ó centro privado María Auxiliadora de Ourense, consistente na autorización de 6 unidades de educación infantil, quedando a composición resultante segundo se especifica no anexo desta orde.
Segundo.-Para as ensinanzas que se autorizan, a Delegación Provincial da Consellería de Educación e Ordenación Universitaria, logo de informe da Inspección Educativa, aprobará expresamente a relación de persoal que impartirá docencia no dito centro, así como o equipamento adecuado para imparti-las ditas ensinanzas.
Terceiro.-Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Santiago de Compostela, 7 de setembro de 2001.
Celso Currás Fernández
Conselleiro de Educación e Ordenación Universitaria
ANEXO
Provincia: Ourense.
Concello: Ourense.
Localidade: Ourense.
Enderezo: praza de Don Bosco, 1.
Código do centro: 32008458.
Denominación: María Auxiliadora.
Titular: Religiosos Salesianos.
Composición resultante:
a) Centro de educación infantil: 6 unidades.
b) Centro de educación primaria: 18 unidades.
c) Centro de educación secundaria:-12 unidades de educación secundaria obrigatoria.-6 unidades de bacharelato das modalidades de ciencias da natureza e da saúde; humanidades e ciencias sociais e tecnoloxía.