A Orde do 21 de maio de 2001 (DOG do 5 de xuño) convocaba concurso público de méritos para cubrir determinados postos en réxime de comisión de servicios, por funcionarios docentes de ensino non universitario.
Unha vez cumpridos os requisitos legais e transcorridos os prazos establecidos pola resolución provisional e pola resolución definitiva, e tras teren superado positivamente os aspirantes o curso selectivo de formación de acordo coa proposta efectuada pola comisión de selección prevista no artigo 10 da citada orde, a Consellería de Educación e Ordenación Universitaria
DISPÓN:
Primeiro.-Nomear, en réxime de comisión de servicios, para cubri-las prazas indicadas, os profesores que se relacionan no anexo desta orde, onde tamén se especifican as prazas que non foron cubertas polos aspirantes e que, polo tanto, quedan vacantes.
Segundo.-Esta comisión de servicios terá unha duración segundo o período que se especifica no artigo 11.2º da orde de convocatoria.
Terceiro.-Contra esta orde, que esgota a vía administrativa, os interesados poderán interpoñer recurso potestativo de reposición perante a Consellería de Educación e Ordenación Universitaria no prazo dun mes, contado a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, o ben directamente o recurso contencioso-administrativo, no
prazo de dous meses, perante o Tribunal Superior de Xustiza de Galicia.
Cuarto.-Os funcionarios ou funcionarias seleccionados por esta orde quedarán adscritos ós postos adxudicados a partir do 1 de setembro de 2001.
Esta resolución entrará en vigor o mesmo día da súa publicación no Diario Oficial de Galicia.
Santiago de Compostela, 6 de setembro de 2001.
Celso Currás Fernández
Conselleiro de Educación e Ordenación Universitaria
ANEXO
Denominación das prazas e relación das vacantes
Denominación das prazas Nº de prazas Concursantes seleccionados
Desenvolvemento curricular de ciclos formativos e de Actividades físicas e deportivas; comunicación, imaxe e son; servicios socioculturais e á comunidade 1 Vacante
programas de garantía social Hostalería e turismo; actividades agrarias; industrias alimentarias; imaxe persoal; química; sanidade; vidro e cerámica 1 Guerra Fernández, Manuel
Edificación e obra civil; madeira e moble 1 Vacante
Actividades marítimo-pesqueiras; fabricación mecánica; mantemento de vehículos autopropulsados; mantemento e servicios á producción, electricidade e electrónica 1 Vacante
Artes gráficas; téxtil, confección e pel 1 Vacante
Administración; comercio e márketing; informática 1 Vacante
Artes plásticas e deseño 1 Vacante
Análise e deseño curricular 1 Vacante
Programas educativos europeos 1 Fraga Lago, Blanca
Formación e centros de traballo 1 Fernández García, José Antonio