O Pleno do Concello de Lalín, en sesión que tivo lugar o día 31 de xullo de 2001, adoptou, entre outros, o seguinte acordo:
Visto o expediente tramitado para o efecto, tendo en conta os informes técnicos, que figuran naquel, do 17 de xullo de 2001, do 22 de xullo de 2001 e, particularmente, o informe de alegacións do 11 de decembro de 2000, e de conformidade co disposto nos artigos 42 e 48 da Lei 1/1997, do 24 de marzo, do solo de Galicia, e na demais normativa concordante, o Pleno da Corporación, por maioría absoluta, acordou:
Primeiro.-Aprobar definitivamente o Plan parcial Regueiriño sur SUE-1.
Segundo.-Desestima-las alegacións presentadas polos motivos expostos no devandito informe técnico do 11 de decembro de 2000. Unha copia deste informe unirase a tódalas notificacións deste acordo, entendéndose que forma parte integrante del.
Terceiro.-Ordena-la publicación deste acordo no Diario Oficial de Galicia e no BOP. Asemade, deberán publicarse no BOP as ordenanzas reguladoras.
Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente poderá interpoñerse recurso potestativo de reposición ante o Pleno do Concello no prazo dun mes, contado desde a mesma data.
Lalín, 1 de agosto de 2001.
O concelleiro delegado de Urbanismo
Rubricado