Aprobado inicialmente, pola Comisión de Goberno deste concello, o prego de cláusulas-administrativas que rexerá na contratación do servicio de limpeza do Centro Público Integrado Doutor Daniel Monje, queda exposto ó público polo prazo de oito días hábiles contados a partir da publicación deste anuncio no BOP de Lugo.

Ó mesmo tempo, de conformidade co permitido no artigo 122 do Real decreto 781/1986, do 18 de abril, polo que se aproba o texto refundido das disposicións legais vixentes en materia de réxime local, publícase o anuncio de licitación, se ben esta quedará aprazada no caso de que se presenten reclamacións en contra do prego de cláusulas-administrativas:

1. Entidade adxudicadora.

a) Organismo: Comisión de Goberno do Concello de Navia de Suarna.

b) Dependencia que tramita o expediente: Secretaría Xeral.

2. Obxecto do contrato.

a) Descrición do obxecto: servicio de limpeza do Centro Público Integrado Doutor Daniel Monje.

b) Lugar de execución: A Proba de Navia de Suarna.

c) Duración do contrato: dous anos.

3. Tramitacion: ordinaria; procedemento: aberto; forma: concurso.

4. Orzamento base de licitación: 4.500.000 pesetas (27.045,54 euros) anuais, IVE incluído.

5. Garantía provisional: 90.000 pesetas.

6. Obtención de documentación e información.

Entidade: Concello de Navia de Suarna. Domicilio: praza de España, nº 1. Localidade e código postal: A Proba de Navia de Suarna, 27650. Teléfono: 982 36 51 66. Fax: 982 36 51 12. Data límite de obtención de documentación e información: ata o día de finalización do prazo de presentación de proposicións.

7. Requisitos específicos do contratista: clasificación: non se esixe; outros requisitos: non se esixen.

8. Presentación de ofertas.

a) Data límite de presentación: 15 días naturais seguintes ó da publicación do anuncio no último dos boletíns en que apareza publicado (DOG ou BOP de Lugo). Se o último día fose sábado ou inhábil, o prazo rematará o primeiro día hábil seguinte.

b) Documentación que hai que presentar: cláusula 16 do prego de cláusulas económico-administrativas.

c) Lugar de presentación: Rexistro de Entrada do Concello de Navia de Suarna en horas de 9 a 14; A Proba de Navia de Suarna, 27650.

9. Apertura de ofertas.

Entidade: Concello de Navia de Suarna.

Domicilio: praza de España, nº 1.

Localidade: Navia de Suarna.

Data e hora: noveno día natural seguinte a aquel en que remate o prazo de presentación de proposicións, ás 12 horas. De coincidir con sábado ou inhábil, a apertura terá lugar o primeiro día hábil seguinte.

10. Outras informacións: ver prego de cláusulas económico-administrativas.

11. Gastos de anuncios: por conta do contratista.

Navia de Suarna, 14 de agosto de 2001.

O alcalde

Rubricado