A orde conxunta da Consellería da Presidencia e Administración Pública e da Consellería de Industria e Comercio do 7 de marzo de 2001, (Diario Oficial de Galicia do 21 de marzo), aproba as bases polas que se regula a convocatoria e o réxime de concesión de axudas para grupos de investigación que traballen en investigación aplicada industrial (anexo I) e para a realización de proxectos de investigación e desenvolvemento empresarial (anexo II) correspondentes ó programa de apoio á I+D industrial, tecnoloxías industriais do Plan Galego de IDT para o ano 2001.

Na base 5 dos anexos I e II, da mencionada orde de convocatoria, determinábanse os criterios de avaliación que servirían de base para a determinación

da preferencia na concesión e contía das axudas, e nas bases 8 e 9 dos anexos I e II, respectivamente, da mencionada orde de convocatoria, determinábanse os criterios de selección que deberían ter en conta os membros da respectiva comisión de selección designados polo secretario xeral de Investigación e Desenvolvemento e o director xeral de Programas Industriais e Infraestructuras Tecnolóxicas.

Na súa virtude, e atendendo á proposta elaborada pola comisión de selección e en virtude das competencias atribuídas ás consellerías de Presidencia e Adminsitración Pública e de Industria e Comercio

RESOLVEMOS:

Primeiro.-Concede-las axudas para grupos de investigación que traballen en investigación aplicada industrial ós investigadores que se relacionan no anexo I desta resolución, na contía e polas anualidades que, en cada caso se sinalan. Aqueles proxectos que figuran no anexo I con autorización para contratar persoal deberán realiza-la contratación conforme as normas establecidas nas bases da convocatoria.

Segundo.-Concede-las axudas para a realización de proxectos de investigación e desenvolvemento empresarial ás empresas que se relacionan no

anexo II da presente resolución, na contía e polas anualidades que se sinalan.

Terceiro.-Denega-las axudas ós grupos de investigación e ás empresas que se relacionan no anexo III polos motivos que nel se sinalan.

Cuarto.-A inobservancia por parte dos beneficiarios de calquera das bases establecidas na referida orde da convocatoria, suporá a perda do dereito a percibi-la axuda correspondente.

Quinto.-Contra esta resolución que esgota a vía administrativa, poderán os interesados interpoñer recurso potestativo de reposición ante o conselleiro da Presidencia e Administración Pública ou de Industria e Comercio, segundo proceda, no prazo dun mes contado a partir do día seguinte ó da súa notificación, consonte os artigos 116 e seguintes da Lei 30/1992, do 26 de novembro, do réxime xuridico das administracións públicas e do procedemento administrativo común, modificada pola Lei 4/1999,

do 13 de xaneiro, ou recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, de conformidade co previsto nos artigos 10 e 46 da Lei 29/1998, do 13 de xuño, reguladora da xurisdicción contencioso-administrativa, no prazo de dous meses contados desde o día seguinte ó da súa notificación, e sen prexuízo de que os interesados poidan exercer calquera outro que consideren oportuno.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 3 de setembro de 2001.

Jaime Pita VarelaJuan Rodríguez Yuste

Conselleiro da PresidenciaConselleiro de Industria

e Administración Públicae Comercio

ANEXO I

ANEXO II

ANEXO III

Expedientes denegados por insuficiente valoración técnica, grao de priorización baixo ou por non axustarse ós requisitos da orde de convocatoria.