O Instituto Galego de Consumo e a Consellería de Educación e Ordenación Universitaria teñen establecidas liñas de actuación conxunta cara a impulsa-las actividades para o desenvolvemento da educación do consumidor nos centros escolares.

A Rede Europea de Educación do Consumidor é un proxecto para a realización de actuacións coordinadas de actividades de formación e información, intercambio de experiencias, e para a realización de materiais curriculares sobre a educación do consumidor na escola.

En consecuencia co anteriormente exposto,

DISPOÑEMOS:

1º.-Obxecto.

A convocatoria ten por obxecto: dunha banda convocar premios para as mellores memorias dos proxectos educativos, desenvolvidos polos centros vinculados á Rede Europea de Educación do Consumidor. E doutra, a selección de novos proxectos, presentados por centros educativos de niveis non universitarios que desexen incorporarse á rede Europea de Educación do Consumidor, ou ben continuar nela, no caso dos centros adscritos á Rede que tendo rematados os proxectos trienais desexen presentar un novo proxecto para os tres vindeiros anos. A selección destes proxectos non suporá dotación económica inicial para o centro.

2º.-Dotación económica.

A contía destinada a premia-las memorias dos proxectos realizados polos centros vinculados á Rede Europea de Educación do consumidor na presente convocatoria é de 3.400.000 pesetas, (20.434,41 euros), das que o Instituto Galego de Consumo fará o pagamento dos premios ata un total de 2.400.000 pesetas (14.424,29 euros), e a Consellería de Educación e Ordenación Universitaria aboará os restantes premios ata un total de 1.000.000 de pesetas (6.010,12 euros).

A contía total dos premios distribuirase a razón dun máximo de 200.000 pesetas (1.202,02 euros), para cada memoria.

O pagamento dos premios farase con cargo ás aplicacións orzamentarias 07.04.322I.640.1 dos orzamentos para o ano 2001 da Consellería de Edu

cación e Ordenación Universitaria, e 08.50.343A.640.0 dos orzamentos do Instituto Galego de Consumo para o ano 2001.

3º.-Bases.

1. Para a modalidade de premios ás memorias dos proxectos xa realizados, poderán participa-los centros educativos que estean integrados na Rede Europea de Educación do Consumidor. Para a modalidade de novos proxectos poderán participar tódolos centros educativos de niveis non universitarios de Galicia.

2. Terán preferencia para permanecer na Rede, aqueles centros que finalizan neste ano o proxecto trienal e desexen seguir vinculados cun novo proxecto para tres anos.

3. Para concursar na modalidade de premios a memorias, é necesario presentar a memoria do traballo desenvolvido durante o curso escolar 2000/2001.

As memorias que concursen deberán presentarse en soporte papel e informático, por duplicado, no rexistro da Consellería de Educación e Ordenación Universitaria, ou do Instituto Galego de Consumo, a través das distintas delegacións provinciais ou polas canles establecidas na Lei 30/1992, do 26 de novembro, de réxime xurídico das administracións públicas e do procedemento administrativo común. No caso de proceder ó envío certificado por correo, a instancia que se debe xuntar ó traballo estará datada e cuñada pola oficina de correos previamente a súa certificación.

Os traballos que se presenten nesta modalidade (premio a memorias) deberán ir xunto coa seguinte documentación:

a) Instancia dirixida ó director xeral de Ordenación Educativa e Formación Profesional asinada polo coordinador ou coordinadora do proxecto, segundo o modelo do anexo I desta resolución.

b) Memoria descritiva, dun máximo de dez folios da fase do proxecto realizada no curso 2000/2001, na que se reflectirán os obxectivos e contidos desenvolvidos, a metodoloxía empregada, as datas de realización, enlaces coas seguintes fases e criterios e procedementos de avaliación. Igualmente deberá consta-la valoración do profesorado e do alumnado, agás a do alumnado de educación infantil, sobre o traballo realizado respecto da consecución dos obxectivos previstos.

c) Anexos dos traballos ou actividades realizadas polos alumnos durante a experiencia.

4. Para participar na modalidade de selección de novos proxectos os centros que desexen integrarse na Rede Europea de Educación do Consumidor, deberán presenta-la solicitude que figura

como anexo II, e un esquema do proxecto que se vaia realizar que figura como anexo III, acompañando a documentación que se relaciona a seguir:

a) Instancia dirixida ó director xeral de Ordenación Educativa e Formación Profesional, asinada polo director/a do centro escolar, segundo o modelo do anexo II desta resolución.

b) Esquema do proxecto de educación do consumidor, seguindo o modelo que figura como anexo III da presente resolución, no que se concreten os obxectivos, metodoloxía, nivel de aplicación, actividades previstas, e criterios de avaliación que se van desenvolver no curso escolar 2001/2002, primeira fase do proxecto trienal que deben desenvolver. Xuntarase a Acta do Consello Escolar, na que conste a aprobación do proxecto.

c) No proxecto deberán participar, cando menos, catro profesores do centro durante un período de tres anos. Acompañarase a Acta do Claustro do Centro onde figuren o nome e apelidos dos profesores participantes e do coordinador ou coordinadores do proxecto.

d) No caso de que un proxecto abranga máis dun centro, xuntarase Acta do Consello Escolar de cada un dos centros.

e) Os novos proxectos deberán presentarse en soporte papel e informático, por duplicado, no rexistro da Consellería de Educación e Ordenación Universitaria, ou do Instituto Galego de Consumo, a través das distintas delegacións provinciais ou polas canles establecidas na Lei 30/1992, do 26 de novembro, de réxime xurídico das administracións públicas e do procedemento administrativo común. No caso de proceder ó envío certificado por correo, a instancia que se debe xuntar ó traballo estará datada e cuñada pola oficina de correos previamente a súa certificación.

5. O prazo de presentación da documentación para ámbalas dúas modalidades, comezará ó día seguinte da publicación da presente resolución no Diario Ofial de Galicia, e rematará o 31 de outubro de 2001.

6. Os traballos que concursen e se axusten a esta convocatoria serán examinados e avaliados por un xurado de catro persoas nomeado polo presidente do Instituto Galego de Consumo e polo director xeral de Ordenación Educativa e Formación Profesional.

O xurado, se é o caso, poderá contar co asesoramento de especialistas.

7. A decisión do xurado, que será publicada no Diario Oficial de Galicia, será inapelable e poderán ser declarados desertos calquera dos premios anunciados ou, se é o caso e así o determina o xurado, ser acumulados entre si ou compartidos.

8. A participación na convocatoria supón a aceptación de tódalas súas bases, así como a cesión do dereito da propiedade dos traballos, nos que poderán introducirse as variacións que se consideren máis axeitadas á súa finalidade.

O Instituto Galego de Consumo e a Consellería de Educación e Ordenación Universitaria poderán proceder conxuntamente á reprodución, publicación e divulgación dos traballos premiados, que quedarán na súa propiedade.

9. A administración educativa poderalles recoñecer ós participantes na modalidade de premios a memorias avaliados positivamente, mediante expedición de certificado, as actividades de innovación realizadas dentro desta convocatoria.

Disposición derradeira

Nos aspectos non previstos na presente convocatoria haberá que aterse ó disposto no Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia, na súa actual redacción; e na Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 17 de xullo de 2001.

Mª del Pilar del Mar Pérez MarsóVíctor Tello Calvo

Directora xeral de OrdenaciónPresidente do Instituto

Educativa e FormaciónGalego de Consumo

Profesional