Convócase concurso urxente para adxudicación da obra:

Obxecto do contrato: cubrición de pista polideportiva de Xil.

Prazo xeral de execución: o prazo de execución fíxase en:

* A execución do financiamento correspondente ó programa de infraestructuras deportivas 2000 e Plan de acción municipal 2000: deberá estar executado e xustificado antes do 29 de outubro de 2001.

* Resto do proxecto o prazo de execución fíxase en tres meses desde a data de formalización do contrato.

Tipo de licitación: 20.153.840 pesetas, IVE incluído.

Capacidade para contratar: están capacitados para contratar as persoas naturais ou xurídicas, españolas ou estranxeiras, que teñan capacidade de obrar e acrediten a seguinte clasificación: grupo C, subgrupo 3, categoría C e solvencia económica, financeira e técnica nos termos dos artigos 16 e 17 do TRLCAP e non estean afectados por ningunha das circunstancias que enumera o artigo 20 como prohibitivas para contratar.

Garantías: provisoria: non se esixe. Definitiva: será do 4% do importe de adxudicación.

Obtención de documentación e información: Concello de Meaño, rúa Campo da Feira nº 1 Meaño, CP 36968. Teléfono: 986 74 71 02. Fax: 986 74 73 91.

Presentación de proposicións: lugar e prazo: presentaranse no rexistro xeral do concello en horario de 9 a 13.30 horas no prazo de 13 días naturais contados a partir do día seguinte da publicación do anuncio de licitación no BOP.

Documentación: a esixida na cláusula 9 e segundo modelo de proposición contida na 18.

Criterios que servirán de base para a adxudicación do concurso: os que figuran na cláusula 11 do prego.

Apertura de proposicións: a mesa de contratación, reunirase ás 13 horas do día hábil seguinte ó da data de remate de presentación de proposicións.

Gastos de publicación: serán a cargo do adxudicatario.

Tramitación, procedemento e forma: tramitación: urxente, procedemento: aberto, forma: concurso.

Meaño, 31 de agosto de 2001.

Jorge Domínguez Rosal

Alcalde

C0NCELLO DE MURAS