O Pleno da Corporación, en sesión realizada o día 24 de xullo de 2001, aprobou definitivamente o Plan parcial dun sector do solo apto para urbanizar (SAU Z-12) Lendo, por instancia de Siderúrgica Añón, S.A., e redactado por Grupo Taller de Arquitectos y Urbanistas La Coruña, S.L. Dando cumprimento ó artigo 48.2º da Lei 1/1997, do 24 de marzo, do solo de Galicia, procédese á publicación da normativa e as ordenanzas do citado Plan parcial.

Contra a aprobación definitiva do citado Plan parcial poderá interpoñerse recurso contencioso-administrativo ante a sala correspondente do Tribunal Superior de Xustiza de Galicia no prazo de dous meses, contados a partir do día seguinte á última publicación deste anuncio no DOG ou no BOP da Coruña, de conformidade co disposto no artigo 107.3º da Lei 30/1992, do 26 de novembro, de réxime xurídico das administracións públicas e do procedemento administrativo común, e nos artigos 10 e 46 da Lei 9/1998, do 13 de xullo, da xurisdicción contencioso-administrativa.

A Laracha, 26 de xullo de 2001.

José Manuel López Varela

Alcalde