O Concello Pleno, en sesión de data 10 de agosto do actual, adoptou o seguinte acordo:
Aprobación definitiva do proxecto de urbanización SUR-3 A Tapada de Bouzas. Procedeuse ó estudio do expediente tramitado a solicitude das inmobiliarias Mahía e Fadesa, de aprobación definitiva do proxecto de urbanización SUR-3 A Tapada de Bouzas, do Plan Xeral de Ordenación Municipal.
Durante o período de exposición pública, non se presentou reclamación ou alegación ningunha.
A corporación, despois de breve deliberación e concorrendo dez membros dos once que de feito e
de dereito a compoñen, por unanimidade, acorda: 1. Presta-la aprobación definitiva ó proxecto de urbanización SUR-3 A Tapada de Bouzas. 2. Que sexa publicado no BOP e no Diario Oficial de Galicia o texto íntegro deste acordo e os posibles recursos que se puideran presentar.
O que se fai público a través do presente anuncio, significando que, contra o devandito acordo, que pon fin á vía administrativa, os interesados poderán interpor recurso potestativo de reposición diante do concello no prazo dun mes, ou ben acudir directamente á vía xudicial interpoñendo recurso contencioso-administrativo diante do Tribunal Superior de Xustiza de Galicia, con sede na Coruña no pazo de dous meses, sen que caiba simultanear ámbolos recursos. Os prazos indicados computaranse de data a data a partir do día seguinte ó da publicación do presente anuncio no DOG. Durante o mes de agosto, non correrá o prazo para a interposición do recurso contencioso-administrativo, salvo que se trate de procedementos para a protección dos dereitos fundamentais.
Sen prexuízos do anterior, os interesados poderán interpoñer calquera outro recurso que estimen pertinente.
Eliseo Fernández Gómez
Alcalde