O Servicio Galego de Saúde, por proposta da División de Recursos Económicos, e unha vez cumpridos os trámites administrativos correspondentes, resolve anuncia-la subministración que a seguir se cita:
Adquisición de arquivos para biblioteca e historias clínicas con destino ó Complexo Hospitalario Arquitecto Marcide-Novoa Santos de Ferrol (2 lotes).
Orzamento: vintenove millóns trescentas mil pesetas con IVE incluído. (29.300.000 pesetas con IVE incluído). (176.096,55 euros).
Lote Descrición Importe lotes
Pesetas Euros
1 Sistema andeis arquivo documentación clínica 25.800.000 155.061,12
2 Sistema andeis para fondo bibliográfico 3.500.000 21.035,42
Garantía provisional: a garantía provisional é o 2% do importe de licitación. Ve-lo punto 11 da folla de expecificacións do prego tipo de cláusulas administrativas particulares.
Forma de adxudicación: concurso público e procedemento aberto, polo trámite de urxencia.
Prazo de entrega: desde a petición, máximo 1 mes.
Admisión de variantes: cada licitador poderá presentar proposicións individuais ata un máximo de tres (oferta base máis 2 variantes) proposicións agrupadas de varios lotes, ata un máximo de dúas.
Solvencia económica, financeira e técnica: ve-lo punto 18 da folla de especificacións do prego tipo de cláusulas administrativas particulares para a dita contratación.
Criterios de adxudicación: os establecidos no punto 13 da folla de especificacións do prego tipo de claúsulas administrativas.
Documento de interese para os licitadores: o prego tipo de cláusulas administrativas particulares e demais documentación complementaria estarán de manifesto e á disposición dos concursantes para o seu exame nos servicios centrais da División de Recursos Económicos, edificio administrativo de San Caetano, bloque 2-2º, en Santiago de Compostela, tódolos días laborables, agás sábados, das 9 ás 14 horas, e tamén no enderezo da Internet: www.sergas.es/contratación.
Presentación de proposicións: as proposicións deberán ser presentadas en man, en sobres pechados e asinados polo licitador ou persoa que o represente, no rexistro xeral do Servicio Galego de Saúde, antes das 14 horas do oitavo día natural, contado a partir do seguinte ó da publicación desta resolución no DOG, ou enviadas por correo dentro de prazo sinalado. Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (981 54 27 62) ou telegrama no mesmo día, de conformidade co artigo 100 do Regulamento xeral de contratación do Estado.
Apertura de proposicións: terá lugar na Consellería de Sanidade e Servicios Sociais edificio administrativo San Caetano, bloque nº 2, 2ª planta, a partir das 9 horas do quinto día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
Documentación que achegarán os licitadores: os documentos que figuran no prego de cláusulas administrativas particulares.
Anuncios: o pagamento do anuncio da presente contratación de subministración será por conta do adxudicatario ou dos adxudicatarios do contrato.
Santiago de Compostela, 24 de agosto de 2001.
P.O. (Resolución 19-7-2001)
Manuel Antonio Silva Romero
Secretario xeral da Consellería
de Sanidade e Servicios Sociais