De acordo co establecido na lexislación vixente sobre contratos das administracións públicas, a Consellería de Pesca, Marisqueo e Acuicultura anuncia a convocatoria de licitación, polo sistema de concurso aberto, para a adquisición de material informático para a secretaría xeral desta consellería.
Obxecto: adquisición de material informático para a secretaría xeral desta consellería.
Orzamento tipo: catro millóns seiscentas cincuenta mil pesetas (4.650.000) IVE e outros impostos incluídos.
Prazo de entrega: segundo o prego de prescricións técnicas.
Documentación de interese: os pregos de cláusulas administrativas particulares e de prescricións técnicas, que rexerán neste concurso, estarán á disposición dos licitadores na oficina de información da Consellería de Pesca, Marisqueo e Acuicultura en Santiago de Compostela, San Caetano, bloque 5, así como nas delegacións territoriais pertencentes a esta consellería, durante o prazo de presentación
de proposicións, os días e horas hábiles de oficina, así mesmo, poderanse obte-los os pregos relativos a esta contratación na seguinte dirección de Internet: http://www.xunta.es/contratacion/resultado.asp?N=690.
Prazo e presentación de propostas: as proposicións poderán presentarse no rexistro da Consellería de Pesca, Marisqueo e Acuicultura en Santiago de Compostela, así como nos rexistros das delegacións territoriais pertencentes a esta consellería. O prazo de presentación rematará ás 14 horas do décimo quinto día natural seguinte ó da publicación desta resolución no Diario Oficial de Galicia.
No caso de utilizar calquera dos medios previstos no artigo 100 do Regulamento xeral de contratación do Estado, remitirase o mesmo día un telegrama ou fax á secretaría xeral, no que se comunique a presentación da oferta.
Apertura de proposicións: será realizada pola mesa de contratación, que se reunirá na Consellería de Pesca, Marisqueo e Acuicultura en Santiago de Compostela, ás dez horas (10 horas) do cuarto día hábil contado a partir do seguinte ó de remate do prazo de presentación de propostas sempre e cando este día non coincida en sábado ou festivo. Neste caso tal día pasará a se-lo primeiro hábil seguinte.
O importe do anuncio será por conta do adxudicatario.
Santiago de Compostela, 7 de agosto de 2001.
P.D. (Resolución 23-2-1999)
José Ricardo Díaz Presedo
Subdirector xeral de Coordinación