Eu, Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 282/2001, por instancia de Diego Varela Gómez,
contra a empresa Transmisiones Coruña, S.L., sobre despedimento, nos que recaeu auto de aclaración de sentencia en data que, copiada nos particulares necesarios, di así:
«Auto. Parte dispositiva: procedea a aclaración solicitada, e, en consecuencia, a resolución quedará do teor literal seguinte:
Decido que, estimando a demanda promovida por Diego Varela Gómez contra a empresa Transmisiones Coruña, S.L., debo declarar e declaro improcedente o despedimento efectuado ó demandante con data 1-4-2001 e, así mesmo, extinguida a relación laboral o día de hoxe, condenando a demandada a que indemnice ó demandante na cantidade de 631.849 pesetas, e ó aboamento dos salarios deixados de percibir desde a data do despedimento e ata a notificación desta resolución a razón de 5.000 pesetas diarias.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia, no prazo de cinco días contados a partir do seguinte ó da súa notificación, anunciando o propósito de interpoñelo mediante comparecencia ou por escrito, sendo indispensable que, ó tempo de anuncialo o recorrente, se é empresario, exhiba perante esta Xulgado do Social o resgardo acreditativo de ter depositado no Banco Bilbao Vizcaya, oficina principal desta cidade, na conta corrente deste xulgado número identificador 5605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia, debendo consignar ademais a cantidade de 25.000 pesetas na mesma conta coa clave 65, entregándose o resgardo na secretaría ó tempo
de interpoñe-lo recurso, declarándose este desistido de non constituírse tal depósito na forma indicada, definitivamente xulgando en primeira instancia pronúncioo, mándoo e asínoo».
Así, por esta miña sentencia da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Transmisiones Coruña, S.L. expido e asino esta cédula na Coruña, o 1 de agosto de 2001.
O secretario xudicial
Rubricado