Advertido erro aritmético no anuncio de licitación extractado no Diario Oficial de Galicia nº 157, de data 14 de agosto de 2001, relativo á contratación da obra pavimentación e capa de rodadura en camiños rurais no ano 2001 (PAM), polo procedemento de concorrencia de licitadores aberto, forma de adxudicación concurso, e tramitación ordinaria, localizándose no tipo de licitación expresado en pesetas que o fixa en 40.900.000 pesetas, no canto de 44.900.000 pesetas, tal e como figura no proxecto e no anuncio publicado no BOP nº 148, de data 2 de agosto de 2001, o alcalde accidental, en uso das facultades conferidas pola lexislación vixente, e en concreto consonte o disposto na artigo 105 da vixente Lei 30/1992, do 26 de novembro, do procedemento administrativo común, por resolución 1050/2001, de data 17 de agosto de 2001,
RESOLVEU:
Primeiro.-Rectificar o erro aritmético de referencia, relativo ó tipo de licitación da obra sinalada, de modo que onde dicía 40.900.000 pesetas deberá dicir 44.900.000 pesetas, equivalentes a 269.854,43 euros.
Segundo.-Ordena-la publicación deste anuncio de rectificación no Diario Oficial de Galicia coa maior urxencia.
Terceiro.-Amplia-lo prazo de presentación de ofertas ata os 26 días naturais seguintes ó da publicación deste anuncio de rectificación no DOG, na oficina de plicas da secretaría xeral, das 9 ás 13 horas.
Cuarto.-Confirma-lo anuncio de licitación extractado, que aparece publicado no denominado DOG nº 157/2001, nos restantes termos.
A Estrada, 17 de agosto de 2001.
O alcalde accidental
Rubricado