A Dirección Xerencia do Complexo Hospitalario Xeral-Cies de Vigo, en virtude das atribucións que lle foron delegadas conforme o establecido no artígo 7 da orde da Consellería de Sanidade e Servicios Sociais do 21 de abril de 1998 (DOG nº 88, do 11 de maio) modificada pola Orde do 23 de marzo de 2000, convoca os seguintes concursos:

Expediente 43/2001:

1. Obxecto: subministración de aparellos médicos.

2. Orzamento: 31.075.000 pesetas, IVE incluído (186.764,51 A).

Expediente 45/2001:

1. Obxecto: subministración de mobiliario.

2. Orzamento: 14.992.200 pesetas, IVE incluído (90.104,94 A).

As condicións que rexerán os expedientes relacionados son as contidas nos puntos seguintes do nº 3 ó nº 15 ambos inclusive.

3. Prazo de execución: desde a data de formalización do contrato.

4. Admisión de variantes: admitirase como máximo unha variante.

5. Garantía provisional: non se esixe.

6. Forma de adxudicación: concurso público, procedemento aberto, tramitación ordinaria.

7. Clasificación: non se esixe.

8. Solvencia económica e financeira: acreditarase por calquera dos medios previstos no artigo 16 da Lei de contratos das administracións públicas (R.D.L. 2/2000, do 16 de xuño, BOE nº 148, do 21 de xuño).

9. Solvencia técnica: acreditarase por calquera dos medios previstos no artigo 18 da Lei de contratos das administracións públicas (R.D.L. 2/2000, de 16 de xuño, BOE nº 148, do 21 de xuño).

10. Criterios de adxudicación: ver folla de especificacións (punto 13.1).

11. Documentación: o prego de cláusulas administrativas particulares e demais documentación complementaria pódese solicitar na Sección de Contratación Administrativa do Complexo Hospitalario Xeral-Cíes, rúa Pizarro, 22-36204 Vigo, en días laborables desde as 9 ata as 14 horas. Teléfono: 986 81 59 37, fax: 986 81 60 65, ou a través da páxina web do Sergas: www.sergas.es.

12. Prazo de presentación de proposicións: as proposicións, deberanse presentar en man, no rexistro xeral do Complexo Hospitalario Xeral-Cíes, antes das 14 horas do décimo quinto día natural contado

a partir do seguinte ó da publicación desta resolución no Diario Oficial de Galicia, ou por correo na forma indicada no artigo 100 do RXCE.

13. Documentación que deben presenta-los licitadores: presentarán en sobre pechado e asinado polo licitador a solicitude para participar, así como a documentación persoal, económica e referencias técnicas, descritas no PCAP.

14. Apertura de proposicións: a apertura das proposicións admitidas será realizada pola mesa de contratación, reunida en acto público, na sala de xuntas do Hospital Xeral ás 8.30 horas do décimo primeiro día natural contado a partir do seguinte a aquel en que remate o prazo de presentación de ofertas. No caso de que coincida en sábado ou festivo, a apertura das proposicions terá lugar no día hábil seguinte.

15. Anuncios: o importe deste anuncio será por conta dos adxudicatarios dos contratos.

Vigo, 30 de xullo de 2001.

José Manuel González Alvarez

Director xerente do Complexo Hospitalario

Xeral-Cíes de Vigo