Aprobados con carácter inicial, na sesión plenaria do día 6 de xullo de 2001, os estatutos e bases de actuación da xunta de compensación do polígono PNC-1, delimitado no Plan Xeral de Ordenación Municipal de Ares, ó abeiro do artigo 133, en relación co 102 da Lei 1/1997, do 24 de marzo, do solo de Galicia e 162 do Real decreto 3288/1978, do 25 de agosto, polo que se aproba o Regulamento de xestión urbanística, sométese o dito acordo a información pública polo prazo de vinte días, para que calquera interesado ou afectado poida presentar por escrito as alegacións que máis conveñan ó seu interese, estando o expediente á disposición dos interesados e afectados na secretaría do concello.
Ares, 9 de xullo de 2001.
José Manuel Cendán Fernández
Alcalde-presidente