Eu, Agustín Ignacio Pena López, secretario do Xulgado do Social número un da Coruña, fago saber que nos autos número 144/2001 seguidos por instancia de Ricardo José Domínguez Pazos contra Instalacións Galiza, S.L. sobre salarios, a maxistrada-xuíza deste xulgado, María Antonia Rey Eibe, dictou sentencia, na data 27-6-2001, coa seguinte parte dispositiva:
Que estimando a demanda interposta por Ricardo José Domínguez Pazos, contra a empresa Instalacións Galiza, S.L., debo condenar e condeno a dita demandada a que faga o pagamento ó demandante da suma de 380.079 pesetas.
Notifíqueselles esta resolución ás partes, ás que se lles fará saber que contra a referida sentencia cabe recurso de suplicación, perante o Tribunal Superior de Xustiza de Galicia, que poderá anunciarse ante este xulgado no prazo de cinco días, contados desde a notificación desta resolución, e no propio termo, se o recorrente fose patrón, deberá amosar resgardo acreditativo de ter feito o depósito na conta de consignacións deste xulgado, aberta no Banco Bilbao-Vizcaya, da cantidade obxecto da condena, identificador 5602-60, e o depósito especial de 25.000 pesetas, na mesma conta, identificador 5602-65, requisitos sen os cales non poderá terse por anunciado o recurso.
Así, por esta miña sentencia, definitivamente xulgando na primeira instancia, pronúncioo, mándoo e asínoo.
E para lle sirva de notificación a Instalacións Galiza, S.L. que tivo o seu último enderezo coñecido en r/ Curros Enríquez, 29, baixo, A Coruña, e que na actualidade se descoñece, e co fin da súa publicación no Diario Oficial de Galicia, expido e asino este edicto na Coruña o 16 de xullo de 2001.
O secretario xudicial
Rubricado