No BOP de Lugo, número 157, do 10 de xullo de 2001, publícase a convocatoria, así como as bases xerais e específicas para a provisión das prazas do cadro de persoal funcionario que se indican a seguir, vacantes na RPT desta entidade para o ano 2001, que se proverán polo sistema de concurso-oposición, reservadas a promoción interna.
Nº de prazas Denominación Grupo
8 Administrativo C
1 Capataz coordinador C
3 Guías C
1 Auxiliar de biblioteca C
1 Restaurador C
1 Auxiliar de biblioteca D
2 Auxiliar D
7 Auxiliar de enfermería D
Presentación de instancias: dirixiranse ó presidente da Deputación Provincial de Lugo, no modelo que figura como anexo I das bases xerais e que se facilitará no Negociado de Selección, Promoción e Carreira (Sección de Administración de Persoal), desta deputación provincial. Presentaranse no rexistro xeral desta entidade ou na forma prevista no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
Prazo de presentación: vinte días naturais, contados a partir do día seguinte ó da publicación deste anuncio no BOE.
Faise constar expresamente que os sucesivos anuncios que deriven da convocatoria publicaranse no BOP de Lugo e/ou no taboleiro de edictos desta corporación.
Lugo, 10 de xullo de 2001.
Francisco Cacharro Pardo
Presidente da Deputación Provincial de Lugo
Faustino Martínez Fernández
Secretario da Deputación Provincial de Lugo